“Sehih hedisler” namliq 5 qisimliq kitab istanbulda neshr qilindi

“Sehih hedisler”  namliq 5 qisimliq kitab sutuq bughraxan ma'arip neshriyati teripidin istanbulda neshr qilindi. Bu kitabni, möminjan sidiq we abdusalam teklimakan qatarliq dini ziyaliylar terjime qilip neshrge teyyarlidi.

Bu kitab 5000 din artuq sehih hedisni öz ichige alghan bolup musulmanlarning islam dinini chüshinishi we emel qilishida muhim ehmiyetke ige.

Kitabning kirish sözide mundaq déyilgen:
Muhemmed eleyhissalamning 23 yilliq peyghemberlik hayatida qur'an kerimini musulmanlargha yetküzüshi, tebligh qilishi, ögitishi, chüshendürüshi we islamiy hökümlerni emeliyleshtürüshige egiship hedis barliqqa keldi. Hedis peyghember eleyhissalamning sözini, ish-herikitini maqullishini bildüridighan omumiy atalghudur. Biz musulmanlargha qur'an kerim we hedistin ibaret bu ikki enggüshterni muhemmed eleyhissalamdin qiyamet künigiche miras qaldi. Bu ikkisi musulmanlarni dunya-axiretlik bext sa'adetke yétekleydighan, hayatimizda kem bolsa bolmaydighan qet'iy bolmaydighan ilahiy desturdur.

Yéqinqi yillardin buyan, bir qisim hedis yaki hedis kitabliri terjime qilinip, Uyghur musulmanliri bilen nispiy yüz körüshken bolsimu, bu cheklik xizmetler hedis we bashqa dini ilimlerge bolghan ishtiyaqi, tilek-arzuliri künsayin éship bériwatqan xelqimizning sehih hediske bolghan éhtiyajini yéterlik derijide qamdap kételmidi. Chünki sehih hediske bolghan éhtiyajini yéterlik derijide qamdap kételmidi. Chünki sehih hedisning islam dinidiki orni nahayiti ehmiyetlik bolup, diniy mesililerge munasiwetlik hökümlerni bilish we uninggha emel qilishta intayin muhim rol oynaydu. Shunga, bu boshluqni közde tutqan asasta sutuq bughraxan ma'arip neshriyati teripidin “Sehih hedisler” namliq bu qimmetlik eserni terjime qilip neshr qilindi.

Biz bu kitab heqqide téximu köp melumatqa érishish üchün bu kitabni terjime qilip neshrge teyyarlighan sutuq bughraxan ma'arip neshriyatining mudiri möminjan sidiq ependi bilen söhbet élip barduq.