مۇساجان روزى : شۇ يىللارنى ئەسلىگىنىمدە قاتتىق پەخىرلىنىمەن ۋە ئېچىنىمەن
ئىختىيارىي مۇخبىرىمىز قۇتلۇق
2014.11.12
2014.11.12
ئۇيغۇرلارنىڭ ئاتاقلىق مۇزىكانتى، يېشى 90 دىن ئاشقان مۇساجان روزى ئەپەندى 20 - ئەسىرنىڭ ئىككىنچى يېرىمىدىكى مىللىي ئازادلىق ئىنقىلابىغا قاتناشقان بولۇپ، ئۇ 1944 - يىلى، 12 - نويابىر كۈنى غۇلجىدا قۇرۇلغان شەرقىي تۈركىستان جۇمھۇرىيىتىنى ئۆز كۆزى بىلەن كۆرگەن ۋە شۇ كۈرەشلەرگە قاتناشقان ئىدى. ئۇ، 1945 - يىلى، 4 - ئاينىڭ 8 - كۈنى مىللىي ئارمىيە رەسمىي قۇرۇلغاندا مىللىي ئارمىيە غۇلجا 4 - پولكىنىڭ جەڭچىسى بولغان ھەمدە شىخو قاتارلىق جايلاردىكى جەڭلەرگە قاتناشقان.
مۇساجان روزى ئەپەندى ئۆزىنىڭ ئەينى ۋاقىتتا كۆرگەنلىرى - ھېس قىلغانلىرى ھەمدە مىللىي ئارمىيەنىڭ پاراتلىرى ۋە باشقىلار ھەققىدە ئۆز ئەسلىمىلىرىنى بايان قىلدى.