Norwégiyediki Uyghurlar noruz pa'aliyitini mol mezmunluq ötküzdi

Ixtiyariy muxbirimiz aygül yüsüp
2015-03-23
Share
noruz-norwegiye-zal.jpg Uyghurlarning noruz pa'aliyitidin körünüsh. 2015-Yili 22-mart, norwégiye.
RFA/Aygul Yusup

22-Mart küni paytext osloda norwégiye Uyghur komitétining orunlashturushi bilen mol-mezmunluq noruz pa'aliyiti ötküzüldi.

Norwégiyediki Uyghurlar bu yilmu aldinqi yillardikige oxshash bir arigha jem bolup bu qutluq künni tebriklidi.

Norwégiye Uyghur komitétining re'isi nighmet hajim zal ichige jem bolghan méhmanlargha bashlinish nutqi sözligendin kéyin, sirajidin petqulla ependi teklip bilen noruzluq yürek sözini bayan qildi.

Noruz pa'aliyitide yene ömerjan aka, memtimin hajim qatarliq jama'et wekillirimu söz qilip wetini we sirtidiki barliq Uyghurlargha otluq salamlirini yollash bilen birge, ularni inaq we ittipaqliqqa chaqirdi.

Bu qétimqi noruz pa'aliyitining alahide bolghan yéri shuki, norwégiye Uyghur komitétining sahibxaniliqida shiwétsiye putbol komandisi teklip qilin'ghan bolup, norwégiye putbol komandisi bilen shiwétsiye putbol komandisi noruz pa'aliyiti bashlinishtin burun bir meydan dostluq musabiqisi élip bardi. Utushni emes, dostluq we inaqliqni asas qilip élip bérilghan bu musabiqe ikkide ikki netije bilen axirlashti.

Shiwétsiye Uyghur putbol komandisining yétekchisi bilen norwégiye Uyghur putbol komandisining bashliqi mutellip ependi teklip bilen sözge chiqip, buningdin kéyin putbol komandilirini qandaq tereqqiy qildurush heqqidiki pikir ‏- teleplirini otturigha qoyup ötti.

Bu qétimqi noruz pa'aliyitide noruz éshini we dastixinini teyyarlash üchün ariliqni yiraq körmey kélip xalisane xizmet qilghan ablet hajim, éli ependi we bashqa yigitlerge alahide rehmet éytip ötülgendin bashqa, shiwétsiyelik méhmanlarning yataq we tamaq mesilini öz üstige élip japa chekken hebibul ependi we xanimi rena xanimning ejrige jama'et namidin köp rehmetler éytildi.

Noruz pa'aliyiti dawamida jama'et sa'et sekkizgiche shé'ir oqup, naxsha, muzika orunlap we usul oynap, dostane we qizghin keypiyat ichide köngül achti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet