Türkiyediki ikkinchi ewlad Uyghurlardin banka mudiri ömer tümtürk

Ixtiyariy muxbirimiz erkin tarim
2014-04-09
Élxet
Pikir
Share
Print
Banka mudiri ömer tümtürk balisi bilen. Türkiye, (waqti éniq emes).
Banka mudiri ömer tümtürk balisi bilen. Türkiye, (waqti éniq emes).
RFA/Erkin Tarim

Türkiyege Uyghurlarning köchüsh tarixi uzun tarixqa ige bolsimu köpligen Uyghurlarning türkiyege kélip jaylishishi 1949-yilidin kéyin bolghan.

U zamanlarda türkiyemu siyasiy we iqtisadiy jehettin ajiz bolghachqa birinchi ewlad köchmen Uyghurlar siyasiy jehettin erkinlikke érishken bolsimu iqtisadiy jehettin qiyinchiliqlargha duchar bolghan, jem'iyettiki ijtima'iy ornimu bir'az töwen bolghan.

Ikkinchi ewlad Uyghurlar türkiyede her sahede utuqlarni qolgha keltürmekte. Türkiyediki Uyghurlarning jem'iyettiki ijtima'iy ornimu künsayin yuqiri kötürülmekte. Biz ötkenki programmimizda mektep mudiri hidayetulla göktürk ependining hayat sergüzeshtlirini anglatqan iduq.

Bügünki programmimizda ata-anisi 1964-yili türkiyening qeyseri shehirige kélip olturaqlashqan, özi türkiyede tughulup, oqup, yétiship hazir chong bir bankining ich anatoliye rayonigha mes'ul mudiri bolup wezipe ötewatqan séyit ömer tümtürk bilen élip barghan söhbitimizni anglitimiz.

Séyit ömer tümtürk ependi 1965-yili qeyseride Uyghur muhajir a'iliside dunyagha kelgen. Bashlan'ghuch, toluqsiz we toluq ottura mektepni qeyseride tügetkendin kéyin qeyseri erjiyes uniwérsitéti iqtisadiy ilimler fakultétida oqughan. Kéyin kanadada bir mezgil in'gliz tili ögen'gendin kéyin qeyseride bir bankida xizmet qilishqa bashlighan. Hazir u bankining türkiyening ich anatoliye rayonigha mes'ul mudiri bolup wezipe ötimekte. Séyit ömer tümtürk ependining ikki oghul ikki qiz 4 perzenti bar bolup, ishining aldirash bolushigha qarimay sherqiy türkistan medeniyet we hemkarliq teshkilatida aktip wezipe ötimekte. U, gerche Uyghur diyarigha bérip baqmighan bolsimu, Uyghur tilini rawan sözlep yazalaydu. U, radi'omizgha qilghan sözide, özining eng chong arzusining 4 balisini Uyghurlargha yaramliq qilip yétishtürüp we ömrining axirighiche ata-anisining kindik qéni tökülgen sherqiy türkistanning erkinlikini öz közi bilen körüsh ikenlikini bayan qildi.

Awaz ulinishidin uning bilen élip barghan söhbitimizning tepsilatini anglanglar.

Toluq bet