Chöchekte salihjan yapon'gha qarshi urushi ghelibisini tebriklesh yüzisidin hoylisida bayraq chiqirish pa'aliyiti ötküzgen

Ixtiyariy muxbirimiz haji qutluq qadiri
2015-09-07
Share
oylida-bayraq-chiqirish-salihjan.JPG Yapon'gha qarshi urush ghelibisini tebriklesh yüzisidin, salihjan hoylisida bayraq chiqirish pa'aliyiti ötküzüwatqan körünüsh. 2015-Yili 3-séntebir, chöchek.
RFA/Qutluq

3-Séntebir küni xitayning yapon'gha qarshi urush ghelibisining 70 yilliqi munasiwiti bilen herbiy parat ötküzüshi xelq'ara miqyasida türlük inkaslarni qozghighan we hazirmu türlük inkaslarni qozghap kelmekte.

Teywen, xongkong qatarliqlarni öz ichige alghan chet'ellerdiki bir qisim metbu'atlar bu paratqa qarita tenqidiy pikirlerde bolmaqta. Xewerlerdin melum bolushiche, yene hökümet da'iriliri Uyghur élining sheher, yézilirida mezkur paratni körüsh we ipade bildürüsh pa'aliyetlirini uyushturghan.

Chet'ellerdiki bir qisim Uyghur siyasiy weziyet analizchiliri bolsa, bu paratning xitayning Uyghurlargha qaratqan bésim siyasitini kücheytish, shundaqla méngisini yuyush rolini oynaydighanliqini otturigha qoymaqta.

Emma, melum bolushiche, 3-séntebir küni chöchek shehiridiki salihjan xitayning yapon'gha qarshi urush ghelibisini xatirilesh munasiwiti bilen hoylisida bayraq chiqirish pa'aliyiti ötküzgen.

Chöchek shehiridiki bir qisim Uyghurlarning inkasigha qarighanda, 3-séntebir chöchek shehiri qara döng mehelliside olturushluq 70 yashliq salihjan xitayning yapon'gha qarshi urush ghelibisini xatirilesh munasiwiti bilen hoylisida a'ilisidikiler we qolum-qoshnilar bilen birlikte dölet bayriqini chiqirish pa'aliyiti élip barghan.

Uning bildürüshiche, salihjan chöchek sheherlik yémek-ichmek shirkitining dem élishqan chiqqan xizmetchisi bolup,u 1985-yili aptonom rayon boyiche ilghar emgek nemunichisi bolghan.We shu yili memliketlik chégra rayonni güllendürüsh médaligha érishken.

Undin bashqa u yene hökümet teripidin köpligen shan-shereplerge muyesser bolghan bolup, 2009-yilidin bashlap özlidin ta hazirghiche izchil halda a'ilisidikiler bilen birlikte hoylisida xitay dölet bayriqini chiqirish pa'aliyitini élip barghan.

Nöwette,diqqitinglar salihjan bilen bu heqte élip barghan söhbet programmisida bolghay.

Yuqiriqi awaz ulinishtin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet