Qazaq mutexessislirining neziride zamaniwiy qazaqistan Uyghur shé'iriyiti

Ixtiyariy muxbirimiz oyghan
2015.03.13
hazirqi-edebiyattiki-omumi-insaniy-qedriyetler-namliq-kitab.jpg “Hazirqi edebiyattiki omumi insaniy qedriyetler” namliq kitabning muqawisi
RFA/Oyghan


Melumki, qazaqistan köp milletlik memliket. Uzun esirlerdin buyan Uyghur, özbék, tatar, qirghiz we bashqimu qérindash xelqler bilen bille tarixning achchiq sinaqliridin ötüp, bügünki künde öz musteqilliqigha ige bolghan qazaq xelqi ötmüsh tarixini tiklesh, tilini, medeniyitini rawajlandurush mumkinchilikige ige boldi. Elbette, qazaqistanning memliket bolup shekillinishige hem uning iqtisadiy, medeniy jehettin tereqqiy étishige bashqa milletlermu öz töhpilirini qoshup kelmekte. Ene shu xelqlerning bügünki edebiyatini hertereplime tetqiq qilishqa qazaq alimliri alahide küch chiqirip kéliwatidu.

Qazaq alimliri bashqa xelqler bilen bir qatarda Uyghurlarning tili, tarixi we edebiyati boyichimu bir qatar ilmiy emgeklerni yoruqqa chiqardi. Atap éytqanda, memliketning bilim we pen ministirliqi muxter ewézof namidiki edebiyat we sen'et instituti alimlirining bu yönilishtiki tetqiqatliri shuning yarqin bir misalidur.

Mezkur ilmiy dergah tetqiqatchiliri qazaqistanni makan etken Uyghur, rus, koriye, némis, bélorus, kurd, özbék, tatar oxshash xelqlerning, bolupmu musteqilliq dewridiki edebiyati heqqide “Qazaqistan xelqining zamaniwiy edebiyati”, “Hazirqi edebiyattiki omumi insaniy qedriyetler” namliq monografiyilirini rus we qazaq tillirida neshr qildi. Shuni alahide tekitlesh kérekki, bu emgeklerde Uyghur edebiyatigha keng kölemde orun ajritilghan bolup, uningda Uyghur ediplirining shé'iriyet, proza, dramatorgiye, publistika saheliridiki utuqliri yorutulghan.

Ziyaritimizni qobul qilghan mezkur institutning bash ilmiy xadimi, filologiye penlirining doktori güljahan orda Uyghur shé'iriyiti heqqide öz qarashlirini otturigha qoydi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.