Қазақистанлиқ сиясәтшунаслар миллий азадлиқ һәрикити чүшәнчиси һәққидә тохталди

Өтмүштин мәлумки, хәлқләр өз кимликини сақлап қелиш вә ата-бовилири маканлиған мустәмликә астидики йәрлирини азад қилиш мәқситидә күрәш елип барған иди.

Миллий азадлиқ һәрикәт дәп нам алған бу күрәш нәтиҗисидә қолға кәлтүрүлгән ғәлибә арқисида хәлқләр өз мәмликәтлирини қуруп, тилини, өрп-адәтлирини сақлап қелиш, мәдәнийитини раваҗландуруш, әвладлирини тәрбийиләш мумкинчиликигә игә болди. Өз вақтида көплигән африқа, америка, асия хәлқлири басқунчиларға қарши қораллиқ қозғилаңларни көтүрүп, миңлиған қурбанлар бәдилигә азадлиққа, әркинликкә еришти.

Миллий азадлиқ һәрикити бүгүнки күндә мәвҗутму? у қандақ алаһидиликләргә игә? бу һәқтә қандақ көз қарашлар бар?

Биз бу һәқтә, қазақистандики мутәхәссисләрдин айдос сарим, алим агилиоф, конистантин серюшкин вә қәһриман ғоҗамбәрдиләр билән сөһбәт елип бардуқ.