“қутадғубилик китабханиси” зәйтинбурнудики уйғурларниң һаятиға йеңи мәна қошти

Ихтиярий мухбиримиз арслан
2014.12.02
qutadghubilik-kitapxanisi-1.jpg Истанбулниң зәйтинбурну районида ечилған “қутадғубилик китабханиси”
RFA/Arslan


Истанбулниң уйғурлар әң көп олтурақлашқан җайлиридин бир зәйтинбурнуда “қутадғубилик китабханиси” намлиқ бир китабхана ечилди.

Китабханидин уйғурларниң дини, тарихи вә мәдәнийитигә алақидар һәр түрлүк китаблар тепилғандин башқа, китабханида йәнә түркийә қатарлиқ әлләрдә нәшр қилинған китаблар, уйғур елидә нәшр қилинған тарихий роман, шеир - һекайиләр топлими қатарлиқларни өз ичигә алған әң йеңи китаблар сетилиду.

Китабхана хоҗайининиң билдүрүшичә, китабхана асасән түркийәдики уйғур оқурмәнләргә мәниви озуқ беғишлаш мәқситидә ечилған.

Истанбулда уйғурларниң көпләп келип олтурақлишишиға әгишип һәр хил саһәләрдә дукан вә ширкәтләр ечилишқа башлиди.

Һазир истанбулниң һәр қайси җайлирида, уйғурлар ачқан ашхана, навайхана, қассапхана, машинчихана, сатирашхана, дорихана вә телефунхана дегәнгә охшаш дуканларни, баш яғлиқи, шарпа, дастихан, совғат буюмлириға охшаш һәр хил саһәләрдә ечилған ширкәтләрни учратқили болиду.

Шуларниң қатарида зәйтинбурну нурипаша мәһәллисидики әйса йүсүп алип текин кочисида ечилған “қутадғубилик китабханиси” мәзкур райондики уйғурларниң мәниви һаятиға йеңи мәна қошти.

Китабхана мәсуллиридин абдуғени қутуби истанбулда уйғурлар саниниң көпийишигә әгишип, уйғурларға тәвә ашханилар, навайханилар, дориханилар, һәр хил дуканлар ечилған болсиму, бирәр китабхана ечилмиғанлиқиниң бир бошлуқ икәнликини тонуп йәткәнликини, шу вәҗидин уйғурларниң мәниви һаятиға озуқ болидиған китаблар топланған бир китабхана ечиш мәқситидә мәзкур китаб ханини рояпқа чиқарғанлиқини билдүрди.

Абдуғени қутуби әпәнди уйғур китабханларда китаб сетивелиш қизғинлиқиниң юқири болуватқанлиқини әскәртти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.