Ressam merwayit hapiz: körgezmige qoyulghan resimlirim yuqiri bahalargha érishti

Muxbirimiz méhriban
2016-05-05
Share
merwayit-hapiz-korgezme-1.jpg Ressam merwayit hapiz xanim yawropa kespi hoquqini qoghdash idarisining medeniyet kulubi teripidin ötküzülgen "Özgiche dunyagha sayahet" témisidiki resim körgezmiside. 2016-Yili may, myunxén.
RFA/Mihriban

Gérmaniyede muhajirette yashawatqan Uyghur ressam merwayit hapiz xanim, 20 yilliq resim ijadiyiti jeryanida yawropada tonulghan Uyghur ressamlirining birige aylandi.

Gérmaniyening miyunxin shehiride yawropa kespi hoquqini qoghdash idarisining medeniyet kulubi teripidin ötküzülgen " Özgiche dunyagha sayahet" témisidiki resim körgezmisige merwayit xanimning 46 parche resimi tallan'ghan. Melum bolushiche bu qétimqi resim körgezmisi 27-apréldin 17-iyun'ghiche 6 hepte dawamlishidiken.

Ziyaritimizni qobul qilghan merwayit xanim özining "Weten" témisigha béghishlan'ghan resimlirining körgezmige qoyulghan bélgiyelik ayal ressam ute middel xanim we bashqa birqanche ressamning resimliri bilen birlikte ziyaretchilerning yuqiri bahasigha érishkenlikini we bu xil xelq'araliq resim körgezmiliridiki qollash we bahalarning özining ijadiyitige zor ilham bolghanliqini bildürdi.

Yuqiridiki awaz ulinishidin, muxbirimizning merwayit xanim bilen ötküzgen söhbet programmisini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet