Ruslar 1944 - 1949 - yillardiki inqilabta Uyghur qatarliq xelqler bilen bir septe turdi

Muxbirimiz ümidwar
2013-05-22
Share
milliy-armiyechekinish-305.jpg Muntizim milliy armiye.
RFA

Bügünki künde eyni waqittiki milliy inqilab tarixi heqqide türlük köz qarashlar mewjut. Bularning biri sowét ittipaqining bu inqilabqa zadi qanchilik tesir körsetkenliki mesilisi, yene biri ghulja qatarliq jaylardiki eyni waqitta bolshéwiklardin qorqup qéchip kelgen ruslarning bu inqilabqa qatnishish mesilisidur.

Uyghur élidiki ruslardin teshkillen'gen qoshun 20 - esirning birinchi yérimida yüz bergen ikki qétimliq qozghilangning birinchi qétimliqida jin shurén we shéng shisey üchün xizmet qilip, yerlik xelqning qozghilingini basturushqa yardemleshken bolsa, 1944 - 1949 - yilliri Uyghur qatarliq yerlik xelqler bilen bir septe turup, milliy azadliq inqilabigha aktip qatniship, muhim töhpe qoshti.

Ili, chöchek qatarliq jaylardiki rus ahaliliri milliy armiyige aktip qatnashqan bolup, ular arisidin kop sanda yuqiri derijilik komadirlar yétiship chiqqan idi.

87 Yashliq sabiq milliy armiye ofitséri batur ershidinofning éytishiche, sowét ittipaqi deslepte milliy armiyige köpligen sowétlik rus, qazaq, özbék, Uyghur we bashqilarni yardemge ewetken bolup, ular asasen wizwottin yuqiri derijilik ofitsér bolup, eskerlerge qomandanliq qilghan. Ulardin bashqa yene 1918 - 1921 - yilliri arisida Uyghur éligha qéchip kélip yerlikleshken köpligen ruslar herbiy sepke qatnashqan idi. Ular mol herbiy tejribe ige bolghachqa,ular arisidin köpligen komandirlar yétiship chiqti. Mesilen, bash qomandan palénof, shitab bashliqi mazharof, polkowniklardin léskin, mogutnow we bashqilar.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet