Shiwétsiyediki Uyghurlar noruz pa'aliyiti ötküzdi

Uyghur naxsha-muzika etriti naxsha-muzika orunlimaqta

Uyghur komitétining re'isi abdushükür samsaq aldi bilen söge chiqip, Uyghurlarning noruz bayrimini tebriklidi. Shiwétsiyediki pishqedem siyasetchi, jama'et erbabi paruq sadiq noruz ehlining bayrimini tebriklesh bilen birge, noruz bayrimining kélip chiqishi heqqide qisqiche toxtaldi.

Shiwétsyede yashawatqan ziyaliy qunduz xanimning noruz ehli üchün alahide teyyarlap kelgen “ Noruz bayrimining xasiyetliri” digen mawzudiki maqalisi köpchilikning alqishigha érishti.

Shiwitsiyede qurulghan Uyghur naxsha-muzika etriti teripidin orunlan'ghan Uyghurche naxsha, muzikilar noruz ehlini hozurlandurdi.

Pa'aliyet jeryanida jama'et erbabi paruq sadiq Uyghur komitétining yéngidin ijarige alghan ishxansini tebriklep, chonglar meshripi namidin neq pul yardem  qildi.

Biz bu qétimliq  noruz pa'aliyiti heqqide tepsiliy melumat élish üchün Uyghur komitétining re'isi abdushükür samsaqni ziyaret qilduq.

Pa'aliyet dawamida jama'et erbabi paruq sadiq ziyaritimizni qobul qilip , pütün Uyghurlarning noruz bayrimini mubareklidi.

Sitokholim we etraptiki sheherdin bolup, 100din artuq kishi qatnashqan pa'aliyet intayin jushqun keypiyat ichide dawam qildi.

Pa'aliyet shu yer waqti 5 te bashlinip 7 de axirlashti.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar