Istanbuldiki sutuq bughraxan kitabxanisining tor békiti échildi

Ixtiyariy muxbirimiz arslan
2017.03.29
sutuq-bughraxan-kitaphanisi.jpg Istanbuldiki sutuq bughraxan kitabxanisigha tizilghan kitablar.
RFA/Arslan

Merkizi istanbulning zeytinburnu rayonigha jaylashqan sutuq bughraxan kitabxanisi, tor béket échip kitablarni torda élan qilishqa bashlidi.

Sutuq bughraxan kitabxanisida hazir Uyghurlarning wetini ichi we chet'ellerde neshr qilin'ghan her xil témidiki kitablardin 500 türdin artuq kitab bolup, bu kitablarning köpinchisi sutuq bughraxan tor békette tonushturulup élan qilindi. Tor béket bügün resmiy élan qilin'ghan bolup, tor békette, til-edebiyat, tarix, medeniyet, siyaset, pen-téxnika kitabliri, erebche, türkche, Uyghurche, in'glizche lughetler, her xil témidiki islami kitablar we ösmürlerning ana tilini öginishi üchün neshr qilin'ghan mikro hékayilerni öz ichige alghan 300 parchidin artuq kitab qoyulghan we kitablarning tashqi muqawisi, aptorliri, neshriyatning isimliri yézip tonushturulghan.

Tor adrési: http://sutuqbugrahan.com

Bu heqte sutuq bughraxan kitabxanisining torida élan qilin'ghan uchurda mundaq déyilgen: “ Sutuq bughraxan kitabxanisining resmiy tor béti élan qilindi. Kitabxanidiki köpinche kitablarni we yéngi kelgen kitablarni tordin köreleysiler, kitabxanigha kélish imkaniyiti bolmighan oqurmenler tor arqiliq alaqiliship zakaz berse kitab ewetip bérilidu. Kitab oqup meniwiyitimizni béyitayli, tor adrésini ziyaret qiling. Oqumaqchi bolghan kitablarni siz tallang biz ewetip béreyli.”

Biz bu heqte toluq melumatqa ige bolush üchün sutuq bughraxan kitabxanisining mudiri abduxélil abit'oghli bilen söhbet élip barduq. Abduxélil abit'oghli, bu kitabxanidiki köpinche kitablar torda élan qilin'ghan bolup, kitabxanigha kélish imkaniyiti yoq oqurmenlerge kitablarni tonushturush meqsitide tor béketke chiqirip élan qilin'ghanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.