Uyghur sha'ire nür'ela göktürk xanim “Türk medeniyitige xizmet” mukapatigha érishti

Ixtiyariy muxbirimiz erkin tarim
2015-11-24
Share
nurela-gokturk-xanim-mukapat-305.jpg “Türk medeniyitige xizmet” mukapatigha érishken Uyghur sha'ire nür'ela göktürk xanim söz qilmaqta. 2015-Yili 22-noyabir, enqere.
RFA/Erkin Tarim

Türkiyede yashaydighan Uyghur sha'ire nür'ela göktürk xanim “Türk medeniyitige xizmet” mukapatigha érishti. 22-Noyabir küni enqerediki yunus emre medeniyet merkizide ötküzülgen mukapat tarqitish murasimigha ezerbeyjanliqlar, iraq türkmenliri we qirim tatarliridin bolup köp sanda kishi qatnashti. Mukapat tarqitish murasimining échilish nutqini türkiye paytexti edebiyat we ma'arip uyushmisi re'isi exmet qurt ependi sözlidi. U, nutqida bu yilqi mukapatni toqquz kishige bergenlikini, edebiyat-sen'etning bir millet üchün kem bolsa bolmaydighan amil ikenlikini, bu mukapatni bérish arqiliq buni yene bir qétim küntertipke élip kelgenliki üchün özini bextlik hés qilidighanliqini bayan qildi.

Arqidin mukapatqa érishken shexsler sehnige teklip qilindi. Enqere altindagh rayonluq hökümet bashliqi weysel tiryaki ependige tarixiy asare-etiqilerni qoghdash xizmetlirini yaxshi qilghanliqidin, 7 güzel adem namliq téléwiziye filimining yazghuchisi exmet tezjan ependi bilen newim shahin xanimgha, Uyghur sha'iri nur'ela göktürk xanimgha, türk dunyasi yashlar teshkilati mes'ulliridin shemsettin küzechi ependilerge mukapat bérildi.

Uyghur sha'ire nür'ela göktürk xanim mukapatini alghandin kéyin özining shé'irlirini déklamatsiye qilip berdi we kishilerning qizghin alqishigha érishti. Mukapat tarqitish murasimida söz qilghan ezerbeyjan parlamént ezasi xanim xalilowa xanim, sherqiy türkistan wexpining sabiq re'isi hamut göktürk ependi we türk dunyasi yashlar qurultiyi hey'et ezaliridin shemsettin küzechi ependiler, bu mukapatni tesis qilghan paytext edebiyat we ma'arip uyushmisigha rehmet éytqandin kéyin Uyghurlarning hazirqi weziyiti toghrisidimu toxtaldi.

Murasimdin kéyin, mukapatqa érishken Uyghur sha'ire nür'ela göktürk xanim bilen hamut göktürk ependige mikrofonimizni uzattuq.

Nür'ela göktürk xanim bu mukapatning özining Uyghurlarning tamaq bayliqlirini tonutqanliqi üchün bérilgenlikini, buning özi üchün bir righbetlendürüsh ikenlikini éytti.

Nur'ela göktürk xanim bundin kéyinki hayatida Uyghurlarning türkiyege köchüshini teswirligen bir kitab yéziwatqanliqini, bundin kéyinki ewladlargha yéngi shé'ir kitabliri yézip qaldurushqa, pütün küchi bilen Uyghurlarni türkiyede tonutushqa tirishidighanliqi tekitlidi.

Murasimgha qatniship söz qilghan, türkiyede yashaydighan Uyghur ziyaliyliridin biri hamut göktürk ependi bu murasimda söz qilghan kishilerning hemmisining Uyghur mesilisini tilgha alghanliqini bayan qildi. U yene, mukapat tarqitish murasimida türk dunyasining mesililiridin rusiye teripidin bésiwélin'ghan qirim bilen Uyghurlargha alahide orun bérilgenlikini, özlirige Uyghur mesilisini anglitish pursiti bergenlikini, bu pursettin paydilinip, Uyghurlarning hazirqi weziyiti toghrisida melumat bergenlikini bayan qildi.

Murasimgha qatnashqan Uyghur ziyaliysi azatjan bughra ependi bu qétimqi murasim we nur'ela göktürk xanimning ijadiy pa'aliyetlirining qimmitining étirap qilinishqa érishiwatqanliqini, uning Uyghur ayalliri ichide türkiyede yaxshi tonulghanliqini bayan qildi.

Uyghur sha'ire nür'ela göktürk xanim eslide Uyghur rayonining yeken shehiride tughulghan, 1960-yillarda ata-anisi bilen birge türkiyege kélip yerleshken bolup, özlükidin tiriship öginip, sha'ire bolup yétiship, bir qanche shé'irlar toplimi we Uyghur tamaqlirini tonushturush kitabi neshr qilghan. Uning öz eserliri arqiliq Uyghurlarni türkiye jama'itige tonushturushqa hesse qoshqanliqi bildürülmekte. Uning éytishiche, u, türkiyede hazirghiche 48 qétim her xil mukapatqa érishken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet