Proféssor exmet bijan erjilasun “Türkiy tillar diwani” namliq eserni yéngidin neshrge teyyarlidi

11 - Esirde qeshqerde ötken ulugh alim mexmut qeshqirining “Türkiy tillar diwani” namliq esiri tunji qétim 1940 - yillarda türkiyede bésim atalay teripidin neshirge teyyarlan'ghan. Aridin70 yil ötken bügünki künde tonulghan türkolog ghazi uniwérsitétining oqutquchisi proféssor doktor exmet bijan erjilasun ependi bilen ziyat aqqoyunlu ependi yéngidin neshirge teyyarlap neshir qildurdi.

Türkiye til tetqiqat idarisi teripidin neshir qilin'ghan eser 1120 bettin terkip tapqan, bir tomluq qilip neshir qilin'ghan bolup, bu qétimqi neshirge teyyarlashta nurghun xataliqlargha tüzitish kirgüzülgen. Biz bu heqte téximu tepsili melumat igilesh üchün eserni neshirge teyyarlighan proféssor exmet bijan erjilasun ependi bilen söhbet élip barduq. U, eser tunji neshir qilin'ghan 1940 - yillardin bügün'giche bolghan 70 yil jeryanida türkologiyening zor tereqqiy qilghanliqini, bu tetqiqatlardin paydilinip turup türkiy tillar diwanini birinchi qétim neshirge teyyarlighanda xata oqulup, xata terjime qilinip qalghan 1500 etrapida söz - atalghularni tüzetkenlikini éytti. Türkiy tillar diwanini qayta neshirge teyyarlash jeryanida mexmut qeshqiri tughulup chong bolghan qeshqer we opal toghrisidimu bezi yéngi melumatlarni otturigha chiqarghanliqini bayan qilip ötti. Töwende exmet bijan erjilasun ependi bilen élip barghan söhbitimizni anglitimiz.