Enqerede türkolog mirsultan osmanof we meshhur edip abduréhim ötkür tetqiqat yighini échildi

Muxbirimiz erkin tarim
2015-12-18
Share
turkiye-enqere-abdurehim-otkur.jpg Enqerediki türkolog mirsultan osmanof we meshhur edip abduréhim ötkür tetqiqat yighinidin bir körünüsh
RFA/Erkin Tarim


18 - Dékabir küni türkiyening paytexti enqerediki ghazi üniwérsitétida tonulghan türkolog mirsultan osmanof tughulghanliqining 85 - yilliqi, meshhur sha'ir abduréhim ötkürning wapat bolghanliqining 20 - yilliqi munasiwiti bilen xelq'ara Uyghur tetqiqati ilmiy muhakime yighini ötküzüldi. 18 - Dékabir küni etigen sa'et toqquz yérimda bashlan'ghan ilmiy muhakime yighinigha türkiye bash ministirliq tarmiqidiki türkiy milletler hemkarliq we tetqiqat idarisining mu'awin bashliqi, ghazi üniwérsitéti mudiri berberoghlu, dangliq türkolog proféssor doktor ehmet bijan erjilasun ependi, tonulghan türkolog osman fikri sertqaya ependi, alahide teklip boyiche yighin'gha ishtirak qilghan tonulghan türkolog mirsultan osmanof ependi, proféssor abdurra'uf polat ependi we türkiyediki Uyghur ilim ademliridin proféssor alimjan inayet ependi, dotsént doktor erkin ekrem ependi, gérmaniye götünggen üniwérsitéti oqutquchisi doktor ablet semet we doktor gülzade tengritaghli xanim qatarliq 20 etrapida ilim ademi ishtirak qildi we ilmiy doklatlirini oqup ötti.

Échilish murasimida mezkur yighinni oyushturghan ghazi üniwérsitéti türkologiye tetqiqat merkizi mudiri prféssor doktor hülya qasap'oghlu söz qilip, Uyghur edebiyatidiki muhim shexislerdin biri bolghan abduréhim ötkürning wapatining 20 - yilliqi, türkologiye tetqiqatigha zor töhpe qoshqan tonulghan türkolog mirsultan osmanof tughulghanliqining 85 - yilliqi munasiwiti bilen enqerede Uyghur tetqiqati yighini oyushturghanliqini, yighinda ilim ademlirining abduréhim ötkürning hayati we eserliri, mirsultan osmanofning eserliri toghrisida teyyarlighan ilmiy doklatlirini bérip ötidighanliqini éytti.

Arqidin proféssor osman fikri sertqaya "Qutatqubilik" témisida, proféssor doktor ehmet bijan erjilasun bolsa "Diwanü lughatit türk we mirsultan osmanof" témisida, proféssor abdurra'uf polat ependi "Uyghur tili tetqiqati we mirsultan osmanof" témisida, dotsént doktor erkin ekrem bolsa "Abduréhim ötkürning edebiy kishilikige tarixiy jehettin nezer" témisidd ilmiy doklati oqup ötti. Bulardin sirt türkiyening herqaysi üniwérsitétliridin kelgen Uyghurshunaslar abduréhim ötkür we mirsultan osmanof we ularning eserliri toghrisida yazghan ilmiy doklatlirini bérip ötti.

Échilish murasimida mirsultan osman ependi bilen zulhayat ötkür xanimning öz hssyatini ipadilesh üchün qilghan nutqi yighin ehlini qattiq tesirlendürdi.

Bu yighin axirida bu pa'aliyetke alahide teklip boyiche kelgen naxshichi abduréhim héyt konsért berdi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet