Almatada türkiy xelqler medeniyiti xelq'ara teshkilatining bölümi échildi

Ixtiyariy muxbirimiz oyghan
2015-03-05
Share
exmetjan-hashirof-we-duysen-qaseyinof-turkiye-1.JPG Yazghuchi we dramatorg exmetjan hashirof (ongda) türkiy xelqler medeniyiti xelq'ara teshkilatining bash katipi düysén qaséyinof ependi bilen bille, 2014 -yili türkiye.
RFA/Oyghan

4-Martta almatada orunlashqan qazaqistanning eng chong aliy bilim dergahlirining biri el-faribi namidiki qazaq milliy uniwérsitétining sherqshunasliq fakultétida türkiy xelqler medeniyiti xelq'ara teshkilatining bölümini échish murasimi bolup ötti.

Türkiy xelqler medeniyiti xelq'ara teshkilatining qollap-quwwetlishi bilen “Almata-islam medeniyitining merkizi-2015” programmisi da'iriside mezkur bölümning échilishi qazaqistan xelqliri birleshmisining 20 yilliqigha béghishlandi.

Échilish murasimigha türkiye, ezerbeyjan, özbékistan, türkmenistan jumhuriyetlirining qazaqistandiki elchixanilirining, qazaqistan xelqler birleshmisining terkibidiki bir qatar milliy medeniyet merkezlirining wekilliri, alimlar, aliy oqush orunlirining oqutquchi we oqughuchiliri qatnashti. Uningda sözge chiqqan türkiy xelqler medeniyiti xelq'ara teshkilatining bash katipi düysén qaséyinof mundaq dédi: “Bu bölüm qazaqistan we türkiy dunyasi hemkarliqining yene bir köwrüki bolup xizmet qilishqa qaritilghan. Uning pa'aliyiti qérindash türkiy xelqlerni yéqinlashturushqa, medeniy-jemiyetlik we ilmiy-téxnikiliq birlishishni chongqurlashturushqa, ilmiy-bilim alaqilirini rawajlandurushqa yardem béridu. Bölüm türkiy xelqlerning tilini, türkiy tilliq memliketlerning ijtima'iy-iqtisadiy we siyasiy jeryanlirinimu tetqiq qilish merkizi bolup qalidu”.

Radi'omiz ziyaritini qobul qilghan qazaqistan bilim we pen ministirliqi muxter ewézof namidiki edebiyat we sen'et institutining bash ilmiy xadimi, filologiye penlirining doktori alimjan hemrayéf mezkur bölümning meqsiti, uningda qaralghan mesililer we uning türkiy xelqler, shu jümlidin Uyghurlar hayatidiki roli heqqide toxtaldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet