Türkiyede “Xelq'araliq muhemmed imin bughra tetqiqati” mawzuluq ilmiy muhakime yighini chaqirilmaqchi

Muxbirimiz erkin tarim
2015.04.28
Share on WhatsApp
Share on WhatsApp
memet-emin-bughra.jpg “Xelq'araliq muhemmed imin bughra tetqiqati” mawzuluq ilmiy muhakime yighini chaqirilish aldida
RFA/Erkin Tarim


Yéqinqi zaman Uyghur tarixidiki muhim shexislerdin biri bolghan dangliq siyasiyon, tarixchi muhemmed imin bughraning wapat bolghanliqining 50 - yilliqi munasiwiti bilen istanbulda “Muhemmed imin bughra xelq'araliq tetqiqati” mawzuluq ilmiy muhakime yighini chaqirilmaqchi. Istanbulda pa'aliyet élip bériwatqan sherqiy türkistan weqpi bilen istanbul uniwérsitéti türkologiye tetqiqat merkizi ortaqliship ötküzidighan pa'aliyet 2015 - yili 10 - ayning 7 - küni ötküzülmekchi. Yighinda muhemmed imin bughra tughulup chong bolghan jay xoten toghrisida, uning hayati, uning siyasiy küreshliri, ilmiy tetqiqatliri we uning edebiy pa'aliyetliri shuningdek uning 1954 - yilidin 1965 - yili wapat bolghiche bolghan ariliqtiki pa'aliyetliri muhakime témisi bolidiken.

Uningdin bashqa yene bughra toghrisida élip bérilghan tetqiqatlar, muhemmed imin bughraning eyni waqittiki meshhur shexsler bilen bolghan munasiwiti we uning ichkiri xitay we ürümchide élip barghan pa'aliyetlirimu muhakime qilinidiken.

Yighinning katibatliq wezipisini sherqiy türkistan weqpi bash katipi ömer qul ependi, alimjan qarluq ependi, selim exmetoghlu, filiz ferhatoghlu xanimlar öz üstige alghan bolup, yighin'gha qatnishishni xalaydighan tetqiqatchilar 6 - ayning 1 - künigiche ilmiy maqalisining qisqiche mezmunini sherqiy türkistan wexpige ewetse bolidiken.

Ilim ademliri ewetken témilar ilmiy muhakime yighinining tallash komitéti teripidin tallan'ghandin kéyin 6 - ayning 20 - küni resmiy élan qilinidiken.

Ilmiy muhakime yighinigha qatnishishni xalaydighanlar www.dtv.org.tr Tor bétige kirip, internét arqiliq iltimas qilsa bolidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.