Türkiyening bursa shehiride ötküzülgen noruz féstiwalida Uyghur mesilisi anglitildi

Ixtiyariy muxbirimiz erkin tarim
2016-03-22
Élxet
Pikir
Share
Print
Türkiyening bursa shehiride ötküzülgen noruz féstiwalidin körünüshler. 2016-Yili 19-mart.
Türkiyening bursa shehiride ötküzülgen noruz féstiwalidin körünüshler. 2016-Yili 19-mart.
RFA/Erkin Tarim

Türkiyening eng chong sheherliridin bursada 19-mart küni ottura asiya türkiy jumhuriyetliri, türkiye we dunyaning herqaysi jayliridin kelgen türkiy milletler bir yerge jem bolup noruz bayrimini qutlidi.

Uyghurlargha wakaliten dunya Uyghur qurultiyi mu'awin re'isi séyit tümtürk ependi, Uyghur sen'etchiler qatnashti. Ular Uyghur naxsha-ussulliridin örnekler körsetkendin sirt, échilish murasimida söz qilip xitayning Uyghurlargha élip bériwatqan bésim siyasitini anglatti.

Bu bayram türkiyening enqere, istanbul, izmir we adanagha oxshash pütün sheherliride tentenilik ötküzületti. Bu yil térrorluq hujum köpiyip kétishi tüpeyli az sanda sheherde noruz qutlandi. Bulardin biri bursa shehiride ötküzülgen noruz boldi.

19-Mart kech sa'et 7 de bursa sheherlik hökümetning zalida ötküzülgen noruz bayrimi pa'aliyitige bursa shehirining bashliqi rejep altepe, ottura asiya türkiy jumhuriyetlirining enqerede turushluq elchiliri, köp sanda parlamént ezaliri qatnashti we söz qildi.

Aldi bilen bu pa'aliyetni uyushturghan dunya qarapapaqlar birliki re'isi tonulghan téléwiziye programmichisi seyfullah türksöy ependi échilish nutqi qilip, türk dunyasining shundaqla pütün dunya xelqining noruz bayrimini qutlighan we bu pa'aliyetni ötküzüsh meqsiti heqqide toxtalghan.

Arqidin bursa sheher bashliqi rejep altepe ependi, türklerning 5 ming yilliq tarixqa ige qedimiy bayrimi bolghan noruz bayrimigha sahibxaniliq qilghanliqidin özini bextlik hés qiliwatqanliqini, bu pa'aliyetning türkiy xelqlerning birlik we ittipaqliqini kücheytish üchün zor ehmiyetke ige ikenlikini tekitligendin kéyin türk dunyasining noruz bayrimini tebrikligen.

Pa'aliyet axirlashqandin kéyin bu pa'aliyetni uyushturghan qarapapaqlar birliki re'isi seyfullah türksöy we dunya Uyghur qurultiyi mu'awin re'isi séyit tümtürk ependiler bilen téléfon söhbiti élip barduq.

Seyfullah türksöy aldi bilen Uyghurlarning noruz bayrimini tebrikligendin kéyin bu pa'aliyetni uyushturushtiki meqsiti heqqide toxtilip mundaq dédi: "Uyghur qérindashlirimgha hörmet we éhtiramimni bildürimen. Biz türkiyede térrorluq hujum kücheygen bir mezgilde noruz bayrimini qutliduq. Qutlishimiz kérek idi, chünki noruz biz türklerning 5 ming yilliq bayrimi. Biz türkiy milletler otturisidiki qérindashliqni kücheytish üchün türkiye qarapapaq türkliri birliki bolush süpitimiz bilen bursa shehiride noruz pa'aliyiti ötküzduq. Bu pa'aliyetke dunyaning herqaysi jayliridin kelgen türkiy milletlerdin muhim shexsler, parlamént ezaliri, ziyaliylar, ammiwi teshkilat mes'ulliri we sen'etchiler qatnashti. Sen'etchiler naxsha, muzika we usullardin örnekler körsetti. Nahayiti yaxshi ötti."

Seyfullah türksöy ependi ming etrapida kishi ishtirak qilghan noruz pa'aliyitide sherqiy türkistanliqlarning heqqaniy dewasini qollap quwwetleydighanliqini tekitlep mundaq dédi: "Biz bu pa'aliyette sherqiy türkistandiki Uyghur qérindashlirimizgha, biz türkiye we türkiyening asasini teshkil qilghan qarapapaq türkliri bolush süpitimiz bilen sherqiy türkistanliqlarning heqqaniy dewasini qollap quwwetleydighanliqimizni, qeyerde ézilgen, zulumgha uchrawatqan mezlum bir qérindishimiz bolsa, biz ulargha yardem qilidighanliqimizni tekitliduq. Bu héssiyat bilen noruz bayrimi murasimimizni axirlashturduq."

Bursada ötküzülgen türk dunyasi noruz féstiwalining échilish murasimida Uyghurlargha wakaliten nutuq sözligen séyit tümtürk ependi özining pütün noruz ehlige dunya Uyghur qurultiyi re'isi rabiye qadir xanimning salimini yetküzgendin kéyin, Uyghurlarning hazirqi weziyiti heqqide toxtalghanliqini tekitlidi.

Séyit tümtürk ependi noruz murasimida qilghan nutqida Uyghurlarning térrorning ziyinigha uchrighan türk xelqige sewr tileydighanliqini, térrorgha lenet oquydighanliqini ipadiligenlikini bayan qildi.

Qarapapaqlar kafkaziyede yashaydighan bir türkiy millet bolup, türkiyening nurghun jayliridimu mewjut. Qarapapaqlar bundin ikki yil burun qarapapaqlar birlikini qurup pa'aliyet élip barmaqta.

Toluq bet