Istanbulda “Sherqiy türkistan üchün xizmet qilghanlar mukapati” doktor ömer qulgha bérildi

Ixtiyariy muxbirimiz erkin tarim
2016.02.10
Share on WhatsApp
Share on WhatsApp
omer-qul-makapat.jpg

Sherqiy türkistan weqpi bash katipi doktor ömer qul ependi “Sherqiy türkistan üchün xizmet qilghanlar mukapati” ni tapshuruwaldi. 2016-Yili féwral, türkiye. RFA/Erkin Tarim

omer-qul-tarixchi-exmet-tashaghil.jpg

“Sherqiy türkistan üchün xizmet qilghanlar mukapati” gha érishken doktor ömer qul ependi(solda) we “Türkistan üchün xizmet qilghanlar mukapati” gha érishken proféssor doktor exmet tashaghil ependi. 2016-Yili féwral, türkiye. RFA/Erkin Tarim

turk-dunyasigha-tohpe.jpg

“Türk dunyasigha töhpe qoshqanlar mukapati” ni tarqitish murasimidin körünüsh. 2016-Yili féwral, türkiye. RFA/Erkin Tarim

turk-dunyasigha-tohpe-1.jpg

“Türk dunyasigha töhpe qoshqanlar mukapati” ni tarqitish murasimidin körünüsh. 2016-Yili féwral, türkiye. RFA/Erkin Tarim

turk-dunyasigha-tohpe-2.jpg

“Türk dunyasigha töhpe qoshqanlar mukapati” ni tarqitish murasimidin körünüsh. 2016-Yili féwral, türkiye. RFA/Erkin Tarim

Türkiye ülkü ojaqliri medeniyet we ma'arip weqpi teripidin tarqitiliwatqan “Türk dunyasigha töhpe qoshqanlar mukapati” ni tarqitish murasimining ikkinchi nöwetliki türkiyening istanbul shehiride daghdughiliq ötküzüldi. Istanbul béshiktash fulya sen'et merkizining zalida ötküzülgen échilish murasimida sherqiy türkistan weqpi bash katipi doktor ömer qul ependige “Sherqiy türkistan üchün xizmet qilghanlar mukapati” bérildi.

Bu heqte ziyaritimizni qobul qilghan doktor ömer qul ependi aldi bilen murasim toghrisida melumat bérip mundaq dédi: “Istanbul ülkü ojaqliri ma'arip we medeniyet weqpi türk dunyasi üchün xizmet körsetken, zhurnalist, sen'et tarixchisi qatarliq oxshimaydighan 24 sahede xizmet qilghan kishilerge her yili mukapat bériwatidu. Bu yil ikkinchi qétimliqi ötküzüldi. Bu heqte mexsus tor békiti échip türk dunyasi üchün her sahede xizmet qilghanlarni bahalash élip bérildi. Bahalash netijiside eng köp awaz alghanlargha mukapat bérilidu. Bu yil eng köp awaz alghanlar ichide menmu bar ikenmen. Teklip boyiche jüme küni mukapat tarqitish murasimigha qatnashtim. Sherqiy türkistan mesilisi küntertipke kelgen mukapat tarqitish murasimi boldi. Murasimgha köp sanda kishi qatnashti. Türk dunyasi üchün xizmet körsetken kishilerge mukapat bérilidighan bu murasim bénggu türk téléwéziyesi bilen ulusal qanal téléwiziyesidin neq meydandin tarqitildi. Murasim nahayiti yaxshi ötti. Qirim, jenubiy ezerbeyjan, türkmen éli üchün, sherqiy türkistan üchün, türkistan üchün aktip xizmet qilghan ammiwi teshkilatlar we kishilerge bérildi.”

Doktor ömer qul ependi özige bérilgen mukapatning “Sherqiy türkistan'gha xizmet mukapati” ikenlikini bayan qilip munularni dédi: “Manga bérilgen mukapat sherqiy türkistan üchün xizmet körsetkenler mukapati. Türkistan üchün xizmet qilghanlargha bérilidighan mukapat tonulghan tarixchi proféssor doktor ehmet tashaghil ependige bérildi. Türkmenistan üchün xizmet qilghanlar mukapati ershat salih ependige bérildi. Jenubiy ezerbeyjan üchün xizmet mukapati mehmut éli chernegani ependige, qirim tatarliridin mustafa jemil qirimli'oghlugha bérildi.”

U, mukapat tarqitish murasimida Uyghur mesilisining küntertipke kelgenlikini bayan qilip mundaq dédi: “Türk dunyasigha xizmet körsetkenlerni mukapatlash yighinida istanbul ülkü ojaqliri shöbe bashliqi ehmet yigit yildirim ependi sherqiy türkistan mesilisi heqqide toxtaldi. Zal ademler bilen liq tolghan idi. Sherqiy türkistan xelqining xitayning bésimi astida yashawatqanliqini tekitlidi. Menmu mukapatni alghandin kéyin sherqiy türkistanning hazirqi échinishliq weziyiti toghrisida söz qildim. Xuddi sherqiy türkistan toghrisida échilghan yighindek idi. Nahayiti xursen boldum.”

“Sherqiy türkistan weqpi”ning pexri re'isi erkin aliptékin ependi istanbul uniwérsitéti türkologiye tetqiqat merkizining mutexessisi doktor ömer qul ependining “Sherqiy türkistan'gha töhpe qoshqanlar mukapati” gha érishkenlikini ching könglidin tebrikleydighanliqini, uning burun ilmiy emkekliri bilen zor töhpilerni qoshqanliqini bayan qildi. Erkin aliptékin ependi radiyomizgha bergen bayanatida doktor ömer qul ependining sherqiy türkistan weqpining bash katipliq wezipisini öteshke bashlighandin kéyin Uyghur dewasi üchün qilghan xizmetliri toghrisida toxtaldi.

Doktor ömer qul bilen birge bir mezgil xizmet qilghan “Sherqiy türkistan weqpi” ning sabiq bash katipi abdujélil turan ependi mezkur weqpining xizmetlirini eslep ötti.

“Türk dunyasi üchün töhpe qoshqanlar mukapati” 2015-yilidin tartip tarqitilip kéliwatqan mukapat bolup, 2015-yili 13 sahede mukapat bérilgen bolup, bu yil kéngeytilip 24 sahede mukapat tarqitilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.