“Chanaqqale ghalibiyiti” ning 100-yilliqini xatirilesh pa'aliyitide Uyghur mesilisi keng-kölemde tonutuldi

Ixtiyariy muxbirimiz erkin tarim
2015.04.27
Share on WhatsApp
Share on WhatsApp
chanaqqale-ghalibiyiti-uyghur-mesilisi-1.jpg “Chanaqqale ghalibiyiti” ning 100-yilliqini xatirilesh pa'aliyitide ayyultuzluq kök bayraq. 2015-Yili 24-aprél, türkiye.
uyghurnet.org

1915-Yili türkiyening chanaqqale rayonida yüz bergen, en'gliye, awstraliye we yéngi zélandiye qatarliq döletlerning birleshme armiyisining osmanli impériyesige bésip kirishige qarshi élip bérilghan jengde türk armiyisi ghelibe qilghan bolup, her yili 5-ayning 24-küni bu ghelibe tentenilik xatirilinidu. Bu yilmu pütün türkiyede bolupmu, jeng meydani bolghan chanaqqale bilen bu jengning bash qomandani, türkiye jumhuriyitining qurghuchisi mustafa kemal atatürkning xatire sariyida daghdughiliq ötküzüldi. Tang atqiche dawamlashqan bu pa'aliyetke özlirini “Kök bayraq sewdayiliri” dep tonushturghan enqerediki bir toluq ottura mektepning oqutquchisi aytékin chétin bashchiliqidiki bir guruppa kishi qollirida ay yultuzluq kök bayraqni kötürgen halda ishtirak qildi.

Uyghur xewer we tetqiqat merkizining tor béti bolghan www.uyghurnet.org Torbétidiki xewerge asaslan'ghanda aytékin chétin we uning oqughuchiliri 24-aprél küni bashlap 25-aprél küni tang atqiche atatürk xatire sariyigha kelgen minglighan kishilerge Uyghurlarning bügünki weziyiti toghrisida melumat bergendin sirt, bu heqte bésilghan wareqche, zhurnal we iznekke oxshash buyumlarni tarqatqan. Bu kishiler qolida kök bayraqni kötürgen halda “Sherqiy türkistan'gha erkinlik, sherqiy türkistan'gha adalet” dégendek sho'arlarni towlashqan. Ularning éytishiche bu pa'aliyetke qatnashqan nurghun kishiler ularning yénigha kélip Uyghurlar toghrisida melumat igiligen.

Burun bundaq keng kölemlik pa'aliyetlerde Uyghurlarning kök bayriqini körgili bolmaytti, yéqinqi yillarda mundaq chong pa'aliyetlerdimu kök bayraq lepildeshke bashlidi.

Péshqedem pa'aliyetchi hamut göktürk ependi, sherqiy türkistan dewasining türklerning milliy dewasigha aylinishqa bashlighanliqini, eger sherqiy türkistan ammiwi teshkilatliri aktip bolsa téximu yumuri pellige chiqarghili bolidighanliqini tekitlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.