«Уйғур академийәси явропа тармиқи» германийәниң мюнхен шәһиридә рәсмий қурулди

Ихтиярий мухбиримиз әркин тарим
2018-11-14
Елхәт
Пикир
Share
Принт
Шветсарийәдики уйғур зиялийси доктор абдушүкүр абдурешит көпчиликниң аваз бериши билән уйғур академийәси явропа тармиқиниң рәисликигә сайланди. 2018-Йили ноябир, мюнхен.
Шветсарийәдики уйғур зиялийси доктор абдушүкүр абдурешит көпчиликниң аваз бериши билән уйғур академийәси явропа тармиқиниң рәисликигә сайланди. 2018-Йили ноябир, мюнхен.
RFA/Erkin Tarim

Д у қ саһибханилиқида өткүзүлгән «шәрқий түркистан миллий кеңиши» ахирлашқандин, мюнхендики түркийә диянәт ислам мәдәнийәт мәркизидә уйғур академийәси явропа тармиқиниң қурулуш мурасими өткүзүлди. Академийәниң явропа тармиқида һәйәт болуп вәзипә алмақчи болған академийә әзалири арисида елип берилған йошурун авазлиқ сайламда, шветсарийәдики уйғур зиялийси доктор абдушүкүр абдурешит көпчиликниң аваз бериши билән уйғур академийәси явропа тармиқиниң рәисликигә сайланди. Мәзкур сайламда сайланған рәис доктор абдушүкүр абдурешит низамнамигә асасән, нәқ мәйданда өзи билән биргә 18 кишилик қурғучи даимий һәйәтни таллап вәзипигә тәйинлиди.

Уйғур академийәси явропа тармиқиниң қурулуши мурасимиға д у қ саһибханилиқида ечилған «шәрқий түркистан миллий кеңиши» йиғиниға иштирак қилиш үчүн 23 дөләттин кәлгән 250 әтрапида вәкил вә уйғур академийәсиниң рәһбәрлири қатнашти.

Арқидин уйғур академийәси иҗраийә комитети мудири аблимит қарахан әпәнди йиғинни «шәрқий түркистанниң истиқлал марши»ни оқуш билән башлайдиғанлиқини җакарлиди.

Кейин аблимит қарахан әпәнди ечилиш нутқини сөзләш үчүн уйғур акадәмийәсиниң рәиси профессор доктор алимҗан инайәтни сәһнигә тәклип қилди. Профессор доктор алимҗан инайәт әпәнди уйғур академийәсиниң әһмийити һәққидә тохталди.

Йиғинниң күн тәртипигә бинаән доктор абдушүкүр абдурешит әпәнди, фирансийәдә туруватқан уйғур зиялийси доктор мәмтимин аббасни муавин рәисликкә, шиветсийәдә турушлуқ уйғур зиялийси зулһаят өткүр ханимни баш катиплиққа, шиветсийәдин кәлгән абдушүкүр муһәммәтни баш назарәтчилик вәзиписигә, шиветсарийәдә туруватқан доктор қәйсәр абдуқадирни малийә ишлириға, германийәлик уйғур зиялийси муһәммәтели нияз әпәндини тәшвиқат ишлириға мәсул қилип тәйинлиди.

Уйғур академийәси явропа тармиқиниң рәиси болуп сайланған абдушүкүр абдурешит әпәнди сөзидә сайлиғанларға рәһмәт ейтқандин кейин, бундин кейинму өзлирини қоллишини тәләп қилди.

Аблимит қарахан әпәнди бу сорунни уйғур академийәсигә тәйярлап бәргән д у қ рәһбәрлиригә рәһмәт ейтти.

Әң ахирида д у қ рәиси долқун әйса әпәнди сөзләп, уйғур академийәсиниң хизмәтлиригә юқири баһа бәрди.

Уйғур академийәси 2009-йили 9-айда 9 уйғур зиялийси тәрипидин истанбулда қурулған болуп, мәзкур академийә 2018-йили «уйғур академийәсиниң америка тармиқини» қуруп чиққан иди.

Пикирләр (0)
Share
Толуқ бәт