Pütün hayatini öz xelqining tili we medeniyitini tetqiq qilishqa béghishlighan alim (1)

Muxbirimiz ümidwar
2014-12-04
Élxet
Pikir
Share
Print
Akadémik ghojaxmet sedwaqasof.
Akadémik ghojaxmet sedwaqasof.
RFA/Oyghan

20-Esirde Uyghurlar arisida öz ana tili, medeniyiti, tarixi we bashqa mesililirini tetqiq qilish Uyghur ziyaliylirining aldidiki muhim mesililerning birige aylinip, bu sahede köpligen alimlar yétiship chiqqan idi.

Ötken esirning 30-50-yilliridin bashlap, Uyghurlar arisidin bir qisim kespiy tilshunas alimlar yétiship chiqishqa bashlighan bolup, ular Uyghur tili tetqiqati boyiche köplep, kespiy ilmiy eserlerni élan qildi. Ene shu tunji Uyghur kespiy tilshunas alimlirining biri ghojaxemet sadwaqasoftur. U özining 60 yilliq hayatining 42 yilini Uyghur tilini öginish, tetqiq qilish, oqutush, omumlashturush we qoghdash ishliri bilen shughullan'ghan Uyghurlarning tunji tilshunas akadémiki idi. Yéqinda almatada bu alimning dunyagha kelgenlikining 85 yilliqi xatirilendi.

Qazaqistan penler akadémiyisining akadémiki, proféssor ghojaxmet sadwaqasof pütün ömür boyi Uyghur tili tetqiqati bilen shughullan'ghan bolup, u ottura asiya jumhuriyetliridila emes belki pütün dunya yüzide Uyghurlar arisidin tilshunasliq saheside tunji qétim akadémikliq unwanigha érishken alim idi. Merhum ghojaxmet sadwaqosofning nami Uyghur tilshunasliqi we türkologiye tetqiqat tarixida muhim salmaqni igileydu. Uning nami qazaqistan, özbékistan we qirghizistan Uyghurliri arisida keng tonushluqtur.

Alimlarning éytishiche, uning qelimige mensup, yüzligen maqaliler we nechchiligen ilmiy kitablar Uyghur tilini tetqiq qilishta özining paydilinish qimmitini yoqatqini yoq.

Ghojaxmet sadwaqosofning hayat pa'aliyetliri we uning ilmiy izdinishliri hem Uyghur medeniyet pa'aliyetliri heqqide merhumning xanimi, 86 yashliq péshqedem Uyghur ziyaliysi omaq xanim ziyaritimizde bolup, öz eslimilirini bayan qildi.

Toluq bet