“шәрқий түркистан мусулманлири” дегән намда журнал нәшр қилинди

Ихтиярий мухбиримиз арслан
2016.06.23
sherqiy-turkistan-musulmanliri-kitab.jpg “шәрқий түркистан мусулманлири” намдики журналниң муқависи.
RFA/Arslan

“шәрқий түркистан мусулманлири” дегән намдики йерим йиллиқ илмий, сиясий, тарихий, әдәбий жанирдики универсал журналниң тунҗи сани 2016-йили 6-айда истанбулда нәшр қилинди.

“шәрқий түркистан мусулманлири” намидики журналниң кириш сөзидә мундақ дейилгән: “‛шәрқий түркистан мусулманлири‚ журнили муһаҗирәттики уйғур қериндашларға қизғин салам йоллайду. Журнилимизниң сәһиписи наһайити кәң болуп, журнилимизда шәрқий түркистан вә уйғурларға биваситә мунасивәтлик тарихий, илмий, сиясий, әдәбий әсәрләр нәшр қилинғанниң сиртида, шәрқий түркистан вә уйғурларға биваситә мунасивәтлик болмисиму, биз билишкә вә хәвәрдар болушқа тегишлик дәп қаралған илмий вә әдәбий әсәрләр шуниңдәк муһаҗирәттә өткән пешқәдәмлиримизниң йезип қалдурған тарихий әслимилири, әдәбий әсәрлири нәшр қилиниду. Журнилимиз муһаҗирәттики уйғур қериндашлиримиз вә яш әвладлиримизға шәрқий түркистан вә уйғурлар һәққидә һәмдә уйғур тарихий, уйғур әдәбияти, ислам әдәбияти һәққидә азрақ учур вә чүшәнчә берәлисә, бизниң асасий мәқситимиз ишқа ашқан болиду.”

160 Бәтлик бу журнални тәклимакан уйғур нәшриятиниң мудири абдуҗелил нәшргә тәйярлиди. Биз бу журнал тоғрисида толуқ мәлуматқа игә болуш үчүн бу журналниң баш муһәррири вә нәшргә тәйярлиғучи абдуҗелил туран әпәнди билән сөһбәт елип бардуқ.

“шәрқий түркистан мусулманлири” намидики журналниң тунҗи сани кириш сөздин башқа рамизан ейи тәбрикнамиси, миркамил қәшқәриниң “әлламә муһәммәд иқбалниң шәрқий түркистанға болған қариши вә пакистан сиясәтчилириниң хиянити”, дегән темидики мақалиси, мунәввәр өз уйғур ханим нәшргә тәйярлиған, “иман вә муһәббәткә толған бир һекайә”, дегән романниң арийә тәрҗимиси, профессор доктор бәдри гәнҗәрниң “инсанниң җәннәттин иккинчи қетим чүшиши” дегән мақалиси, коммунар талипниң “муһәммәтимин буғраниң һаяти вә паалийити” дегән мақалиси, сәвдайиниң “қан ичидики бовақ” темидики повести. Мехаил дромпниң “түркләр тәрипидин тәйинләнгән җуңго хақанлири” дегән мақалиси, һәсән һүсәйин адалиоғлиниң “сиясәтнамә китаби-қутадғу билик” дегән темидики мақалисини өз ичигә алиду.

Биз йәнә бу журнал тоғрисида пикир-қарашлирини елиш үчүн журнални оқуп чиққан уйғур зиялий мәмәттурсун уйғур әпәнди билән сөһбәт елип бардуқ.

Мәмәттурсун уйғур әпәнди “шәрқий түркистан мусулманлири” дегән журналниң нәшр қилиниши уйғурлар үчүн сиясий, илмий, тарихий вә әдәбий җәһәтләрдә қиммәтлик әһмийәткә игә икәнликини ипадилиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.