"Xelq'ara Uyghur tetqiqati zhurnili" ning 11-sani oqurmenliri bilen yüz körüshti

Ixtiyariy muxbirimiz erkin tarim
2018-07-11
Élxet
Pikir
Share
Print
"Xelq'ara Uyghur tetqiqati zhurnili" ning 11-sani.
"Xelq'ara Uyghur tetqiqati zhurnili" ning 11-sani.
uygurarastirmalari.com

Türkiyede tunji we mexsus Uyghur tetqiqati heqqidiki alte ayda bir, türk tilida neshr qilinidighan mezkur ilmiy zhurnalning 11-sani oqurmenliri bilen yüz körüshti.

Bu tor zhurnilining 11-sanida Uyghur tili, edebiyati, folklori, tarixi we medeniyiti toghrisida yézilghan 10 parche maqale bilen 3 kitab tonushturush maqalisige orun bérilgen. Zhurnalning qanuniy igisi we bash tehriri izmir ége uniwérsitéti türk dunyasi tetqiqat merkizining oqutquchisi proféssor alimjan inayet ependi zhurnalning 11-sanida élan qilin'ghan maqaliler ichide doktor aspirant hesenjan abduwayit yazghan "Hazirqi zaman Uyghur yazghuchiliridin xalide israyil we uning eserliri" namliq maqaliside yéngi mezmunlar yorutup bérilgenlikini bildürdi. U bu sanda élan qilin'ghan doktor perhat qurban tengritaghli ependining "Uyghur muzikisining xitay muzika tarixigha körsetken tesiri" mawzuluq maqalisining mezmuni toghrisida melumat berdi.

Alimjan inayet istanbuldiki marmara uniwérsitétida doktorluq unwani üchün oquwatqan memtimin beytemur ependi yazghan "Uyghur metbu'at tarixi" mawzuluq maqalidimu yéngi mezmunlarning otturigha qoyulghanliqini bayan qildi.

Proféssor alimjan inayet ependi zhurnalni chiqirishtiki meqsitining dunyaning her qaysi jayliridiki Uyghurshunaslarning maqallirini bir yerge yighip, oqurmenlerning paydilinishigha sunush ikenlikini, bu meqsitige yetkenlikini bayan qildi.

Türkiyede doktorluq üchün oquwatqan Uyghur ziyaliysi abduwahit ependi "Xelq'ara Uyghur tetqiqati ilmiy zhurnili" ning 11-sanining mezmun jehettin köp xilliqqa ige ikenlikini, muhit, sen'et tarixi, baghwenchilik we kompyutér kespige da'ir maqalilergimu orun bérilgenlikini, buning Uyghur tetqiqatining kéngiyishige türtke bolidighanliqini bayan qildi.

Hazir türkiyede 14 uniwérsitétta Uyghur tili dersi ötülmekte. Uyghurlarni tetqiq qilidighanlarning sanimu köpeymekte. Türkiyediki melum bir uniwérsitétta doktorluq üchün oquwatqan hesenjan abduwahit ependi zhurnalni 5 yildin béri izchil halda torda chiqiwatqanliqi, torni ziyaret qiliwatqanlarning sanining künsayin köpiyiwatqanliqini, buning türkiyediki Uyghur tetqiqatining tereqqiyati üchün zor töhpe qoshuwatqanliqini bayan qildi.

Hesenjan abduwahit ependi dunyaning herqaysi jayliridiki Uyghurlarning özliri turuwatqan dölet tilida zhurnal chiqirishi kéreklikini bayan qildi.

Enqerediki ghazi uniwérsitéti hazirqi zaman türkiy tilliri we edebiyatliri fakultéti oqutquchisi aysun demirez güneri xanim özining "Xelq'ara Uyghur tetqiqati" zhurnilidin paydiliniwatqanliqini, türkiyediki Uyghur tetqiqati üchün paydiliq boluwatqanliqini tekitlidi.

5 Yildin béri zhurnalning11 sanida 110 maqale élan qilin'ghan bolup, maqaliler dunyaning herqaysi jayliridiki Uyghur we bashqa millet ziyaliylirining ilmiy emgiki bolup, bular Uyghurlarning tarixi, tili, edebiyati, folklori, sen'et tarixi, ijtima'iy ehwali we siyasiy weziyitini özige singdürgen halda "Xelq'ara Uyghur tetqiqati" zhurnilining bir pütün gewdisini teshkil qilidu.

Toluq bet