Türkiyening qeyseri shehiride Uyghur néni we samsisi sétilishqa bashlidi

Ixtiyariy muxbirimiz erkin tarim
2015-02-12
Élxet
Pikir
Share
Print
Türkiyening qeyseri shehiride sétiliwatqan Uyghur néni. 2015-Yili féwral.
Türkiyening qeyseri shehiride sétiliwatqan Uyghur néni. 2015-Yili féwral.
RFA/Erkin Tarim

Türkiyede Uyghur nopusining köpiyishige egiship Uyghurlarning tamaq medeniyitimu tarqilishqa bashlidi. Bolupmu Uyghur nénini türkler yaxshi körüp yéyishike bashlidi.

Türkiyening qeyseri wilayiti Uyghurlar köp sheherlerdin biri bolup, 1962-yili afghanistan arqiliq kelgen köchmen Uyghurlar olturaqlashqan bir mehelle bar idi. Sherqiy jenubiy asiya arqiliq kelgen Uyghurlardin 100 a'ile Uyghurning orunlashturulushi bilen bu sheherde ikkinchi Uyghur mehellisi quruldi. Bu mehellige jaylashqan Uyghurlar tonur sélip nan, samsa yéqip sétishqa bashlidi.

Hetta türk nawaylarmu kélip Uyghur néni toghrisida melumat igiligen. Bulardin bashqa yéngi kelgen Uyghurlarning perzentliri üchün kurs échilghan, kursta qur'ani-kérim we türkche dersliri ötülgendin sirt, Uyghurlarning tarixi we köchüshi toghrisidimu melumat bérilidiken. Biz bu heqte melumat élish üchün bu mehellige yéngi kelgen Uyghurlar we qeyseridiki Uyghurlar bilen söhbet élip barduq. Bu yerdiki memet tursun ependi bu yerge kelgen Uyghurlarning köpining asta-asta xatirjem bolushqa bashlighanliqini, tonurlar sélinip, issiq nan, samsa sétilishqa bashlighanliqini, Uyghur nénini bu yerdiki Uyghurlarla emes, qeyseridiki türklerning öchiret turup sétiwéliwatqanliqini éytti.

Nurjan qehriman xanim bolsa, qeyserige Uyghur nan kültürining kirishi bilen qeyseride Uyghurlarni bilmeydighan kishilerning qalmighanliqini, türk téléwizyeliride Uyghur nénining tonutulghanliqini éytti.

Qeyseridiki Uyghur mehellisining mes'ulliridin abdulgheni békin ependining éytishiche, yéqinda bu mehellige Uyghur setrachxanisi, meschit we Uyghur tili mekteplirimu échilidiken. Bu mehelle chet'eldiki Uyghurlarning öz kültürini qoghdap qélishigha zor töhpe qoshidiken.

Toluq bet