Ghojexmet sadwaqasof Uyghurshunasliq instituti üchün zor hesse qoshqan idi

1980-Yillardiki sowét-xitay munasiwetlirining reqiblik dewrining axirqi basquchida, sowét ittipaqi hökümiti qazaqistan penler akadémiyisi terkibide Uyghurshunasliq instituti qurup, Uyghurlar boyiche omumyüzlük tetqiqatni qanat yaydurdi. Biraq, sowét ittipaqi yimirilip, melum yillar ötkendin kéyin institut taqilip, merkezge özgerdi we hazir mezkur merkez öz ishini dawamlashturmaqta. Bu yil mezkur institut qurulghinigha 30 yil toshti.

Köp yillar Uyghurshunasliq institutida we mezkur sahede xizmet qiliwatqan alim rabik ismayilof we hazirqi Uyghurshunasliq merkizining ilmiy xadimi doktor ablet kamalof 1986-yili Uyghurshunasliq instituti qurulghandin kéyinki ehwali uning hem hazirqi ehwali heqqide almatadiki muxbirimiz oyghanning ziyaritini qobul qilip, öz qarashlirini bayan qildi.