Xitay sayahetchilerning medeniyetsiz qilmishliri yaponiye puqralirini yirgendürdi

Muxbirimiz eziz
2015-10-14
Élxet
Pikir
Share
Print
Süret, xitayning tengritagh uyghur toridin élinghan sayram köli boyidiki muhit asrash taxtisi astigha yighilip qalghan exletlerdin bir körünüsh.
Süret, xitayning tengritagh uyghur toridin élinghan sayram köli boyidiki muhit asrash taxtisi astigha yighilip qalghan exletlerdin bir körünüsh.
www.xjtsnews.com Din élindi.

Yaponiye metbu'atliri yéqinda élan qilghan xitay sayahetchilirige a'it bezi selbiy bahalar yaponiyege kelgen xitaylarning yerlik kishilerni yirgendürüwatqanliqini körsetmekte.

B b s ning xitayche bölümining melumatlirigha asaslan'ghanda 2015-yilliq dölet bayrimi munasiwiti bilen yaponiyening herqaysi sheherlirige sayahetke kelgen zor sandiki xitay sayahetchiler bu yil san jehettiki hessilep éshish bilen emes, belki shexsiy herikettiki exlaqsizliq we medeniyetsizlik bilen yerlik kishilerning neziridin chüshmekte. Shundaqla chet'ellerde eng qarshi élinmaydighan kishilerdin bolup qalmaqta. Xitayning téngshun torida bes-munazire qozghighan sin körünüshlirining biride yaponiyelik sétiqchi ayal mundaq deydu:
"Ikki neper xitay sayahetchi dukinimgha kélip mendin sorimayla xéridarlar üchün tizip qoyghan qiyma kawipini qoli bilen uyaq-buyaqqa örüp kördi. Bu dégen yeydighan nerse tursa uni qalaymiqan tutsa qandaq bolidu? shu chaghda ularning biri kawaptin bir ziqni élipla pulmu bermestin yéyishke bashlidi. Men ulargha 'kawapni qalaymiqan tutsanglar bolmaydu' désemmu perwa qilmidi. Ularning biri kawapni bir chishlep qoyup 'temi bolmaydiken' dégen menide qol pulanglatti we tashlap qoyup mangmaqchi boldi. Bu nahayiti edepsizlik emesmu? u chishlep qoyghan nersini kim yeydu? xitaylarning bundaq ishliri bek köp."

Xonshu ariligha jaylashqan fuji téghi yaponiyediki dangliq sayahet orni. Mezkur sayahet ornida közge chéliqarliq jaylarda in'glizche , yaponche we xitayche yéziqlarda alaqidar mezmunlar yézilghan eskertish taxtiliri bolsimu, xitay sayahetchiliri bulargha zadila perwa qilmighan. Bu jaylardiki xitaylarning exlaqsizliqlirini yaponiye taratquliri mundaq teswirleydu:
"Xitay sayahetchiler bu yerdiki derexlerge yamiship chiqip süretke chüshidu. Emma awu yerde derexke yamishishqa bolmaydu dep éniq yézilghan. 'tamaka chékish men'i qilinidu' dégen taxtining yénida turup tamaka chékiwatqan awu xitay sayahetchimu tamakisini chékip bolup ormanliqqa tashliwetti. Biz uningdin 'siz bayatin ormanliqqa tamaka qalduqini tashlidingizmu?' dep sorisaq u 'men peqet bir tal tashlidim' dédi. 'tamaka qalduqini ormanliqqa tashlisa ot kétidighanliqini bilemsiz?' dep sorisaq 'men tamaka qalduqini oti öchkendin kéyin tashlidim' dep jawab berdi."

Yaponiye axbaratida éytilishiche, yerlik kishilerning hemmidin bekrek ghezipini qozghighini, xitay sayahetchilerning fuji téghidiki sayahet rayonida rishatkilardin atlap ötüp, yanar taghning lawa qatmilirini xatire buyum süpitide oghrilap méngishi bolghan. Réshatkining yénidiki chong eskertme taxtaygha xitay yéziqida yézilghan "Fuji téghining héchqandaq tashlirini élip kétishke bolmaydu" dégen chong xetlerning xitay sayahetchiler üchün héchqandaq roli bolmighan. Biz bu heqte téximu tepsiliy melumat élish üchün oqush we xizmet sewebi bilen yaponiyede uzun mezgil yashighan Uyghur pa'aliyetchi ilham mehmutni ziyaret qilduq. U ziyaritimizni qobul qilish jeryanida xitaylarning köp sanda yaponiyege sayahetke bérishi, sayahettin köre bekrek soda xaraktérini alidighanliqini tekitlep ötti. Shundaqla tokyo qatarliq chong sheherlerdiki bir qisim meshhur réstoranlarda xitaylarni qarshi almaydighan ehwalning éghirliqini bayan qildi.

Programmining tepsiliy mezmunini awaz ulinishidin anglighaysiler.

Toluq bet