Yaponiyede “Uyghur edebiyati we Uyghur medeniyiti xelq'ara ilmiy tetqiqat yighini” ötküzülidu

15-Noyabir tokyodiki xoso uniwérsitétida “Uyghur edebiyati we Uyghur medeniyiti xelq'ara ilmiy tetqiqat yighini” ötküzülidu.

Yaponiyediki munasiwetlik orunlardin igilishimizche,yaponiye hökümitining qollishi,ma'arip ministirliqining testiqlishi bilen bu yil noyabir éyida yaponiyediki dangliq döletlik uniwérsitétlardin biri bolghan tokyodiki xoso uniwérsitétida “Uyghur edebiyati we Uyghur medeniyiti xelq'ara ilmiy muhakime tetqiqat yighini” chaqirilmaqchiken.

Bu qétimqi ilmiy muhakime yighinning sahibxaniliqini yaponiye xoso uniwérsitéti öz üstige alghan bolup, yighin'gha amérika,en'gliye,kanada,türkiye qatarliq döletlerde muhajirette yashawatqan Uyghur mutexessisliridin töt nepiri qatnishidiken.

Yighin'gha alahide teklip qilin'ghan Uyghur mutexessisliri yighinda özlirining tetqiqat témisi boyiche doklat sözleydiken.

Undin bashqa yighin'gha yene yaponiye we bashqa ellerdiki bir qisim mutexessislermu ishtirak qilidiken.

Biz mezkur yighin heqqide toluq melumatqa érishish üchün yaponiye xoso uniwérsitétining tekliplik oqutquchisi folklor penliri doktor muqeddes xanim bilen bu heqte téléfon söhbiti élip barduq.

Yuqiriqi ulinishtin tepsilatini anglang.