Doktor muqeddes: Uyghur tili bayrimi munasiwiti bilen Uyghurlargha kitab sowgha qilimen
2015.06.15
Yaponiye xoso uniwérsitétining oqutquchisi doktor muqeddes tunji qétimliq xelq'ara Uyghur tili bayrimi munasiwiti bilen Uyghurlargha heqsiz Uyghur tilidiki kitab sowgha qilidighanliqini bildürdi.
Doktor muqeddes xanimning bildürüshiche, dunya Uyghur qurultiyi teripidin békitilgen tunji nöwetlik “Xelq'ara Uyghur tili bayrimi” munasiwiti bilen u, özi yéqinda neshrge teyyarlap türkiyede neshr qildurghan Uyghur tilidiki “Exmetjan osman tallanma shé'irliri” namliq kitabni kitab oqushni xalaydighan Uyghurlargha we shundaqla Uyghur tilini söyüp oquydighan chet'elliklerge heqsiz sowgha qilip yollap béridiken.
Doktor muqeddes xanim yaponiyede Uyghur tili üchün jan köydürüp xizmet qiliwatqan közge körün'gen Uyghur mutexessisliridin biri bolup, u yéqinda kanadada hijrette yashawatqan Uyghur sha'iri exmetjan osmanning bir qisim shé'irlirini Uyghur tilidin yapon tiligha terjime qilip, “Ah, Uyghur tupriqi” namliq yaponche shé'irlar toplimini neshr qildurghan.
Undin bashqa u yene, yapon balilar edebiyatidiki bir qisim chöcheklerni Uyghur tiligha terjime qilip neshr qildurush aldida turmaqta.
Nöwette, diqqitinglar doktor muqeddes xanim bilen xelq'ara Uyghur tili bayrimi munasiwiti élip barghan söhbitimizde bolghay.
Yuqiriqi awaz ulinishidin tepsilatini anglang.