Istanbulda Uyghur soda yermenke pa'aliyiti ötküzüldi

Ixtiyariy muxbirimiz arslan
2017-05-22
Élxet
Pikir
Share
Print
Istanbulda ötküzülgen Uyghur soda yermenkisidin körünüsh. 2017-Yili 19-may.
Istanbulda ötküzülgen Uyghur soda yermenkisidin körünüsh. 2017-Yili 19-may.
RFA/Arslan

Istanbulning Uyghurlar eng köp olturaqlashqan zeytinunburnu rayonidiki bir meydanda Uyghur medeniyet soda yermenkisi échildi. Bu yermenke sherqiy türkistan ma'arip we hemkarliq jem'iyiti teripidin uyushturulghan bolup, 5-ayning 19-künidin 21-künigiche üch kün dawam qildi.

Bu yermenkide Uyghurlarning milliy buyumliri, yémeklikler, ijtima'iy turmushta kéreklik bolghan her xil buyumlar shundaqla Uyghurlar we türklerning kiyim-kécheklirimu sétishqa chiqirildi. Bu yermenkini Uyghurlardin sirt yene, köp sanda türk we bashqa xelqlermu ziyaretke kélip soda-sétiq qildi.

Igilinishiche, bu yermenkide sétishqa chiqirilghan buyumlarning köpinchisini soda-tijaret bilen shughullinidighan bir qisim Uyghur we türk xeyr-saxawetchiler i'ane qilghan bolup, bezi kishiler éhtiyaji bolmisimu, i'ane meqsitide nerse-kérek sétiwaldi.

3 Kün dawam qilghan bu pa'aliyet toghrisida melumat élish üchün, bu pa'aliyetni uyushturghan sherqiy türkistan ma'arip we hemkarliq jem'iyitining ijtima'iy ishlar mes'uli kérem qarim kochar bilen söhbet élip barduq. Kérem qarim bu pa'aliyetning meqsiti toghrisida toxtilip, soda yermenke pa'aliyitide bir tereptin soda ‏-sétiq qilish arqiliq iqtisadi kirim qilish we buni éhtiyajliq orunlargha ishlitishni, yene bir tereptin dostlar ara uchriship, hemkarliqni kücheytishni meqset qilidighanliqini bildürdi.

Bu pa'aliyette bir tereptin soda-sétiq ishliri dawam qilsa, yene bir tereptin her qaysi rayon we mehellilerdin kelgen Uyghurlar bu yerge topliship uchrashti, hal ehwal sorashti we chay söhbiti élip bardi.

Biz yene bu pa'aliyet toghrisida sherqiy türkistan ma'arip we hemkarliq jem'iyiti ayallar bölümi mes'uli munewwer özUyghur xanim bilen söhbet élip barduq.

Toluq bet