Biryussélda xitayning “Uyghur mejburiy emgiki” ge qarshi chuqanlar

Ixtiyariy muxbirimiz ekrem
2022-05-10
Share
Biryussélda xitayning “Uyghur mejburiy emgiki” ge qarshi chuqanlar “Uyghur mejburiy emgikini axirlashturush birleshmisi” ning wekilliri yawropa ittipaqining merkizi bolghan bélgiye paytexti biryussélda. 2022-Yili 10-may.
RFA/Ekrem

45 Dölettiki 415 xelq'araliq teshkilatning qollishigha érishken “Uyghur mejburiy emgikini axirlashturush birleshmisi” ning wekilliri 9-maydin bashlap yawropa ittipaqining merkizi bolghan bélgiye paytexti biryussélda 3 künlük pa'aliyitini bashlighan. “Uyghur mejburiy emgikini axirlashturush” bash téma qilin'ghan bu yighin'gha Uyghur kishilik hoquq qurulushi we bashqa 40 gha yéqin xelq'araliq teshkilatning wekilliri hem qanunchilardin sirt, Uyghurlardin merkizi washin'gtondiki Uyghur herikiti teshkilatining diréktori roshen abbas, d u q ning programma yétekchisi zumret'ay Uyghur we d u q london ishxanisining mudiri rehime mehmut, amérika Uyghur birleshmisining bash katipi elfidar iltebir, ilham toxtining qizi jewher ilham, norwégiye Uyghur komitéti xadimi mu'etter elqut qatarliqlarmu qatnashqan.

“Uyghur mejburiy emgikini axirlashturush birleshmisi” ning wekilliri yawropa ittipaqining merkizi bolghan bélgiye paytexti biryussélda. 2022-Yili 10-may.

Bügün 10-may biryusséldin ziyaritimizni qobul qilghan Uyghur herikiti teshkilatining diréktori roshen abbas xanimning bildürüshiche, bu qétimqi yighinning asasliq meqsetliridin biri “Yawropaliqlargha ‛üstüngdiki kiyimlerde Uyghurning qéni bar‚ dégenni bildürüsh we Uyghurlarning mejburiy emgikidin nepke érishiwatqan yawropa shirketlirini ‛öz menpiy´éting üchün qolungni Uyghurlarning qéni bilen bulghima‚ dep, ularni yene bir qétim agahlandurushtin ibaret” iken.

D u q ning programma yétekchisi zumret´ay Uyghurmu bu xususta ziyaritimizni qobul qilip, bizni yighinning asasiy mezmuni we yighin ishtirakchiliri toghrisidiki melumatlar bilen teminlidi. D u q london ishxanisining mudiri rehime mehmut bolsa, özining biryussélda ötküzülüwatqan bu pa'aliyetler toghrisidiki tesiratlirini qisqiche bayan qilip ötti.

Yighinda amérika Uyghur birleshmisining bash katipi elfidar iltebirmu nutuq sözligen. Elfidar ziyaritimizni qobul qilghanda, amérikida maqullan'ghan Uyghur mejburiy emgikige qarshi qanunlarni qandaq qilghanda yawropa döletlirige kéngeytish we mejburiy emgek bilen alaqisi bolghan shirketlerni qandaq jazalash mesilisining bu qétimqi yighinning muhim bir mezmuni bolghanliqini tilgha aldi.

Bügün chüshtin kéyin yawropa parlaméntida yene Uyghur mejburiy emgikige qarshi qarshi turush asasiy mezmun qilin'ghan “Karxanilarning jawabkarliqini sürüshtürüsh: xelq'araning xitaydiki mejburiy emgekke qarita inkasini bahalash” dégen témida doklat teqdim qilish pa'aliyiti ötküzülgen. Yighinda xitay türmisidiki öktichi Uyghur ziyaliysi, 2019-yilliq “Saxarof mukapati” ning sahibi ilham toxtining qizi jewher ilhammu doklat teqdim qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet