"Nyu-york moda kiyim-kéchek heptiliki" kishilerning diqqitini Uyghur mejburiy emgikige qaratti

Muxbirimiz nur'iman
2021-09-09
Share
Zara, Burberry we Hugo Boss qatarliq dangliq markilarni mejburiy emgekni ishletmeslikke kapaletlik qilishqa chaqiriq qilish namayishidin körünüsh. 2021-Yili 9-séntebir, nyu-yorkta.
Social Media

9-Séntebir küni Uyghur herikiti teshkilati, erkinlik birleshmisi we Uyghur kishilik hoquq qurulushi qatarliq alte teshkilat birlikte niyu-yorkta zara(Zara), bérberi(Burberry) we xyugo bos(Hugo Boss) qatarliq dangliq markilarni mejburiy emgekni ishletmeslikke kapaletlik qilishqa chaqiriq qilish namayishi ötküzgen. "2021-Yilliq nyu-york moda kiyim-kéchek heptiliki" 8-séntebir bashlan'ghan bolup, kishilik hoquq teshkilatliri körgezme meydanining sirtida bu namayishni orunlashturghan.

Pa'aliyette kishilik hoquq pa'aliyetchiliri nutuq sözlep, Uyghurlarning nöwettiki ehwali, xitay hakimiyitining sistémiliq halda Uyghurlarni mejburiy emgekke séliwatqanliqi heqqide melumat bergen. Namayishchilar kiygen qara kiyimliri we qollirida kötüriwalghan "Uyghur mejburiy emgikini cheklesh we toxtitish" mezmunidiki herxil pilakatliri arqiliq kishilerning diqqitini Uyghur mejburiy emgek mesilisige tartqan.

Zara, Burberry we Hugo Boss qatarliq dangliq markilarni mejburiy emgekni ishletmeslikke kapaletlik qilishqa chaqiriq qilish namayishidin körünüsh. 2021-Yili 9-séntebir, nyu-yorkta.
Zara, Burberry we Hugo Boss qatarliq dangliq markilarni mejburiy emgekni ishletmeslikke kapaletlik qilishqa chaqiriq qilish namayishidin körünüsh. 2021-Yili 9-séntebir, nyu-yorkta.

Qul emgikige qarshi dunyadiki eng chong teshkilat bolghan "Erkinlik birleshmisi" jem'iyiti bu pa'aliyetning asasliq teshkilligüchiliridin biri bolup, bu jem'iyetning yuqiri derijilik teshwiqat xadimi kérista bésna'uz xanim namayish meydanida turup téléfun ziyaritimizni qobul qldi. U bu namayish heqqide mundaq dédi: "Bu namayish asasliq meqsiti moda sahesidikilerni mejburiy emgikni ishletmeslikke kapaletlik qilishqa chaqiriq qilishtur. Dunyadiki paxta mehsulatlirining 20 pirsenttin köpreki Uyghur rayonidin kelgen bolghachqa, kiyim-kéchek we toqumichiliq sana'iti Uyghur mejburiy emgikige chétishliq. Xitayda zenjirsiman tarmaqliri bolghan nurghunlighan kiyim-kéchek shirketlirining Uyghur mejburiy emgikini ishltish éhtimalliqi yuqiri. Shunga u shirketler Uyghur mejburiy emgikini ishletmigenliki, zamawniwi qulluq arqiliq zulumgha uchrawatqanlarning emgikidin paydilanmighanliqini dunyagha körsitishi kérek. Shuning üchün bu namayishni ötküzduq."

Zara, Burberry we Hugo Boss qatarliq dangliq markilarni mejburiy emgekni ishletmeslikke kapaletlik qilishqa chaqiriq qilish namayishidin körünüsh. 2021-Yili 9-séntebir, nyu-yorkta.

U yene mundaq dédi: "Zara, bérberi, xyugo bos, yuniklo, nayki qatarliq chong markilar mejburiy emgektin paydilinidu. Shunga ular zenjirsiman shirketliride ishleydighan ishchilirigha köp pul xejlimeydu. Lékin ular yiligha milyon dollar payda alidu. Shunga ular choqum öz mehsulatlirining mejburiy emgekning bir qismi emeslikini ispatlash üchün bir ish qilishi kérek."

Melum bolushiche, xitay hökümiti 2017-yili bashlan'ghan chong tutqun bilen teng bir tereptin Uyghur déhqanlirini "Éshinche emgek küchi" namida bashqa jaylargha yötkise, yene bir tereptin "Jayida ishqa orunlashturush" namida yéza-ketlerge karxananilarni qurup, lagér sirtida qalghanlarni bu karxanilarda ishleshke mejburlighan.

‍Ötken yili nayké, yuniklo, H&N yaki adidasni ‍öz ichige alghan bir qanche dangliq xelq'ara markilar bayanat élan qilip, "Shinjang paxtisi" ni ishletmeydighanliqini jakarlap, xitayning bayqut qilishigha uchrighan, hetta bezi shirketler shu sewebtin bayanatini qayturiwalghan idi. Uningdin bashqa yene fransiye agéntliqining xewer qilishiche, bu yil 4-ayda firansiyediki bir sot mehkimisi inditékis, zara, yuniklo we fransiyening dangliq kiyim-kéchek guruhi bolghan SMCP hemde dangliq ayaq kiyim shirkiti skechérni "Shinjang paxtisi" ni yaki mejburiy emgek küchlirini ishletken-ishletmigenlikini tekshürüshke bashlighan.

Kérista bésna'uz xanim mejburiy emgekni toxtitish üchün mushteri bolush süpiti bilen her bir kishining mes'uliyiti barliqini tekitlidi, u yene mundaq dédi: "'erkinlik birleshmisi' mejburiy emgekni toxtitish kométitning bir ezasi. Bizning moda dunyasidiki markilargha béridighan addiy uchurimiz shuki, mejburiy emgek mesilisige jiddiy qarap, mejburiy emgekke qarshi turush üchün bir ish qilishi kérek. Yeni bizning mejburiy emgekni toxtitish chaqiriqimizgha awaz qoshishi kérek."

U yene kéyinki pilanliri heqqide toxtilip mundaq dédi: "Nyu-yorktiki namayishimiz tügidi. Lékin öktebirning bashlirida dunya Uyghur qurultiyi we bashqa Uyghur teshkilatlar birlikte parizhda pa'aliyitimizni dawam qilimiz. Parizhdiki pa'aliyitimizde asasliqi 'zara' ni nishan qilimiz."

Ötken yili amérika awam palata ezasi jim mikgowérn bilen kéngesh palata ezasi marku rubiyo teripidin "Uyghur mejburiy emgikining aldini élish qanun layihesi" otturigha qoyulghan bolup, ötken yili 9-ayda amérika awam palatasida 3 ke qarshi 406 awaz bilen maqullan'ghan. Nöwette bu qanun layihesi kéngesh palatasining maqullishini kütüp turmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet