Doktorant meryem sultan: apamning awazini anglidim, emma lagérdin qoyup bérilgenlikige gumanim bar

Muxbirimiz shöhret hoshur
2019.03.18
meryem-sultan-anisi-aygul-sultan-thum.jpg Enqere uniwérsitétining magistir aspiranti meryem sultanning anisi aygül sultan.
Meryem Sultan teminligen

Ötken yili 10-aydin bashlap, ijtima'iy axbarat wasitiliri arqiliq, lagérdiki apisining iz-dérikini qiliwatqan enqere uniwérsitétning doktor aspiranti meryem sultan, bu yil 1-ayda ündidardin apisining awazini anglashqa muweppeq bolghan. Uning anisining awazini anglishigha otturida wasitichilik rol oynighan bir dosti, uninggha apisining mekteptin chiqqanliqini bayan qilghan bolsimu, emma apisi uning widé'oluq körüshüsh telipini ret qilghan we birqanche qétim ündidarda sözleshkendin kéyin, meryem sultanni ündidardin tekrar chiqiriwetken. Nöwette meryem sultan apisining lagérda yaki öyide ikenlikidin yenila xewersiz.

“Yighiwélish lagérliri” weziyitining diqqetni eng tartidighan bir nuqtisi, bu lagérgha ekétilgenlerdin, hazirgha qeder chet dölet puqraliridin bashqa, qoyup bérilgenlerning asasen dégüdek bolmasliqidur. Ilgiriki éniqlashlirimiz dawamida salametlikide éghir mesile körülgenlerdin birqanchisining qoyuwétilgenliki ashkarilan'ghan. Emma qeshqerdiki bir lagér saqchisi, lagérda tutqunlarning salametlikide mesile körülse, awwal lagérgha tewe dawalash ornida dawalinidighanliqi, eger éghirraq bolsa a'ilisige qayturulidighanliqi we yaxshilan'ghan haman lagérgha qayturulup ekélidighanliqini pash qilghan. Aldinqi hepte xelq'ara ayallar küni munasiwiti bilen ghayib anisi heqqide bayanat élan qilghan, enqere uniwérsitétining doktor aspirant meryem sultan, öz bayanatida, ariliqta anisi ayxan sultan bilen bir qanche ret sözleshkenliki tilgha élin'ghan.

Meryem sultan ariliqta anisi bilen birqanche ret sözlishishke muweppeq bolalishining jeryani we sewebi heqqide toxtaldi.

Hazirgha qeder muhajirettiki aktip pa'aliyetchilerdin xalmurat Uyghurning ata-anisi we tahir mutellip qahirining dadisining, ularning aktip pa'aliyetliri seweblik qoyup bérilgenliki melum bolghan idi. Eger meryem sultaning perezliridin kéyinkisi toghra bolsa, u, muhajirettiki Uyghurlar arisida, xitaygha qarshi aktip pa'aliyiti arqiliq, ata-anisi bilen körüshüshke muweppeq bolghanliqi ashkarilan'ghan 3 ‏-kishi bolup hésablinidiken.

Yuqiridiki awaz ulinishidin programmining tepsilatini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.