Сабиқ мәһбус мәмәттурсун осман: «хитай истихбарат хадимлири мән билән дубәй яки парижда көрүшмәкчи болған»

Мухбиримиз шөһрәт һошур
2019-06-21
Елхәт
Пикир
Share
Принт
Сабиқ мәһбус мәмәттурсун осман.
Сабиқ мәһбус мәмәттурсун осман.
Photo: RFA

Өткән йили германийә пуқраси осман турсун хотән қамақханисидики оғли мәмәттурсун османниң хитай сақчилири тәрипидин җасуслуқ үчүн дубәйгә йолға селинғанлиқини паш қилған иди. Бихәтәрлик әндишиси вә кәйпиятидики нормалсизлиқ сәвәбидин бир йилдин буян ахбараттин өзини қачуруп кәлгән мәмәттурсун осман бу һәптә зияритимизни қобул қилип, хитай дөләт хәвпсизлики хадимлириниң өзигә тапшурған дәсләпки вәзипиләр һәққидә мәлумат бәрди. Төвәндә мухбиримиз шөһрәт һошурниң бу һәқтә тәйярлиған программиси диққитиңларда болиду.

Мәлум болушичә, мәмәттурсун осман 2016‏-йили 5-айда икки акиси билән бирликтә германийәдики дадиси осман турсун билән истанбулда көрүшкән вә шуниңдин кейин мисирда бир мәзгил ашпәзлик қилған мәмәттурсун осман дадисиниң тосушиға қаримай 2016 ‏-йилиниң ахири юрти хотәнгә қайтип кәткән. У 2017 ‏-йили 3 ‏-айда хотәндә тутқун тутқун қилинған вә гумадики дөләт аманлиқ сақчилириниң қамақханисида 6 ай ятқан. Сорақ җәрянида сақчилар униң германийәдики дадиси осман турсунниң дуня уйғур қурултийиниң актип бир әзаси икәнликини билгән. Буниң билән уни хитай дөләт хәвпсизлики сақчилириниң қамақханисиға йөткигән вә 5 айдин кейин чәтәлдә яшап туруп хитай дөләт хәвпсизлики хадимлириға учур йәткүзүп бериши үчүн дубәйгә йолға салған. Дубәйгә чиқипла һәқиқий әһвални дадисиға мәлум қилған мәмәттурсун осман аридин бир йилчә өткәндә, йәни шәхсий бихәтәрлик әндишиси бәлгилик дәриҗидә пәсәйгән вә кәйпияти бираз турақлашқандин кейин бүгүн тунҗи қетим өз кәчүрмишлирини радиомизға ашкарилиди. 

Һөрмәтлик радио аңлиғучилар, мәмәттурсун османниң хитай дөләт хәвпсизлики қамақханисида көргән-билгәнлири һәққидә кейинки қетимлиқ программилиримизда давамлиқ мәлумат беримиз.

Пикирләр (0)
Share
Толуқ бәт