Mayk pompéyo shtat bashliqlirini xitayning singip kirish heriketliridin agah bolushqa chaqirdi

Muxbirimiz jüme
2020-02-09
Élxet
Pikir
Share
Print
Amérika tashqi ishlar ministiri mayk pompéyo washin'gtonda chaqirilghan shtat bashliqliri birleshmisining qishliq yighilishida sozde. 2020-Yili 8-féwral. Washin'gton, d. S., amérika.
Amérika tashqi ishlar ministiri mayk pompéyo washin'gtonda chaqirilghan shtat bashliqliri birleshmisining qishliq yighilishida sozde. 2020-Yili 8-féwral. Washin'gton, d. S., amérika.
YouTube

Amérika tashqi ishlar ministiri mayk pompéyo xitay kompartiyesining amérika qurulmisining her qaysi qatlamlirighiche singip kirgenlikini hemde amérikining qimmet qarashlirini berbat qilish üchün heriket qiliwatqanliqi éyttip, her qaysi shtat bashliqlirini xitayning singip kirish heriketliridin agah bolushqa chaqirdi.

U, bu sözlerni shenbe küni chüshtin kéyin amérika paytexti washin'gtonda chaqirilghan shtat bashliqliri birleshmisining qishliq yighilishida otturigha qoydi.

U xitay kompartiyesi birliksep bölümning her xil yollar bilen shtat bashliqlirigha yéqinliship ularni közitidighanliqi, yéqinda xitayning amérikidiki 50 nechche shtat bashliqi üstidin matériyal toplap ularning xaraktérini tetqiq qilip chiqqanliqini bildürdi. 

U yene xitayning amérikida atalmish "Kungzi uniwérsitétliri" ni qurup, amérikining pikir we akadémiye erkinlikige tesir körsitishke urun'ghanliqini éytti.

U mundaq dédi: "Xitayning teshwiqati uniwérsitétlardin burun bashlinidu. Xitay dunyaning her qaysi jaylirida yeslidin, 12-sinipqiche bolghan siniplarni tesis qildi. Emma biz xitayda oxshash programmilarni bashlashqa imkansiz. Xitay biz terepte némilerni qilalmisa, bizmu shuni xitayda qilalishimiz shert. Nöwette ular bizning sistémimiz ichide erkin éghinap yürüshmekte, eksiche biz ularning sistémisidin pütünley cheklenduq. Xitay bügünki balilarning kelgüsidiki rehberler bolidighanliqini obdan bilidu."

Pompéyo yene shtat bashliqlirini xitay bilen soda qilishta hoshyar bolushqa, pénsiye ma'ashlirini xitaygha meblegh salghanda uning qeyerge sélin'ghanliqigha étibar bérishke chaqirdi. U mushu yerge kelgende Uyghurlarni tilgha aldi. 

U mundaq dédi: "Filorida pénsiye ma'ashi sistémisi xitaydiki bir shirketke meblegh salghan. U shirket bu mebleghni aylandurup xitay kompartiyesi bir milyon musulmanni teqibleshke ishlitidighan közitish sistémisigha salghan."

U yene kaliforniye pénsiye ma'ashi meblighining xitay azadliq armiyesige mal teminleydighan bir shirketke sélin'ghanliqini, buning amérikining dölet xewpsizlikige bérip taqilidighan mesile ikenlikini bildürdi. 

Tashiqi ishlar ministiri pompéyo yéqinqi bir nutqida xitay kompartiyesining amérika üchün eng chong tehdit ikenlikini bildürgen idi.

Toluq bet