Awstraliyede ötküzülgen 8-nöwetlik sherqiy türkistan longqisi putbol musabiqisi muweppeqiyetlik ayaghlashti

Ixtiyariy muxbirmiz abide
2014-12-29
Share
awstraliye-sherqiy-turkistan-putbol.jpg Awstraliyede ötküzülgen 8-nöwetlik sherqiy türkistan longqisi putbol musabiqisining échilish murasimi. 2014-Yili dékabir, adilayd.
RFA/Abide

8-Nöwetlik sherqiy türkistan longqisi putbol musabiqisi awstiraliyening adilayd shehiride élip bérildi. Musabiqe yillardikidek sherqiy türkistan dölet marshi we sherqiy türkistan awstraliye jem'iyitining re'isi abdulghafur mömin ependi, sherqiy türkistan awstraliye jem'iyitining katipi nurmuhemmet türkistan ependilerning tebrik sözliri bilen tentenilik bashlandi.

Üch kün dawamlashqan bu musabiqide qattiq issighan hawa musabiqige qatnashqan ezimetlerni tewritelmidi. Musabiqe tamashibinlarning medet tiligen awazliri bilen intayin keskin we jushqun halette dawamlashti.

Musabiqining yipilish murasimida nurmuhemmet türkistani ependi söz qildi hem musabiqe netijilirini élan qildi. Üch kün dawamlashqan keskin bu musabiqide adilayd komandisi birinchi, milburin komandisi ikkinchi, sédniy komandisi üchinchilikke érishti.

Bu qétimliq musabiqining aktip qatnashquchiliridin biri bolghan, yiraq pörs shehiridin kelgen ilyar musabiqidin kiyin ziyaritimizni qobul qilip öz köngül sözlirini izhar qildi.

Sherqiy türkistan awstraliye jem'iyitining katipi nurmuhemmet türkistan ependi bu musabiqe ehmiyiti heqqide toxtilip ötti hem musabiqige qatnashqan, 3 künlük musabiqe üchün, mahirlar, putbol mestaniliri üchün herxil tamaqlar teyyarlighan "Tengritagh anilar guruppisi" diki japakesh xanim-qizlargha alahide rehmetler éytti.

Musabiqini ghelibilik tügetken mahirlar buningdin kéyin ötküzülidighan musabiqilerde özlirining téximu köp maharetlirini körsitip öz xelqini, chonglarni we kichiklerni ilhamlanduridighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet