يوپۇرغا بايئاۋاتتا 65 ئائىلە سۈپەت ئۆلچىمىدىن ئۆتمىگەن خەتەرلىك ئۆيلەرگە مەجبۇرى كۆچۈرۈلگەن

مۇخبىرىمىز شۆھرەت ھوشۇر
2015-01-26
Share
mejburiy-cheqiliwatqan-Uyghur-qoro-jay-oy.JPG ساقچىلارنى ئىشقا سېلىپ مەجبۇرىي چېقىلىۋاتقان بۇلاقبېشى كوچىسىدىكى ئۇيغۇرلارنىڭ قورۇ-جايلىرى. 2012-يىل، ئۈرۈمچى.
RFA/Qutlan

ئاشكارىلىنىشىچە يوپۇرغا ناھىيىسىنىڭ بايئاۋات يېزا 3-كەنتىدە 2011-يىلى ۋە 2012 يىللىرى 100 گە يېقىن ئائىلىگە يەر تەۋرەشكە چىداملىق ئۆي سېلىپ بېرىش ئۈچۈن قۇرۇلۇش باشلانغان.

قۇرۇلۇش، دېيىلگەن ۋاقىتتا پۈتمىگەننىڭ ئۈستىگە ئۆلچەملىك ماتېرىياللار ئىشلىتىلمىگەچكە ئۆي پۈتمەي تۇرۇپلا بىخەتەرلىك جەھەتتىن مەسىلە كۆرۈلۈشكە باشلىغان، بۇ ئەھۋالنى ئاھالىلەر توپلىشىپ بېرىپ ئالاقىدار ئورۇنلارغا مەلۇم قىلغان. ئالاقىدارلار ئورۇنلارنىڭ تەكشۈرۈشىدە ئۆي سۈپەت ئۆلچىمىدىن ئۆتمىگەن بولسىمۇ، يەرلىك دائىرىلەر ئاھالىلەرنى بۇ ئۆيلەرگە دەرھال كۆچۈشكە مەجبۇرلىغان. ھەتتا بۇ ئۆيلەرگە كۆچمىسە سىياسىي جەھەتتىن خاتالىشىدىغانلىقىنى ئەسكەرتىپ تەھدىت سالغان. نەتىجىدە 65 ئائىلە سۈپەت ئۆلچىمىدىن ئۆتمىگەن ئاتالمىش يەر تەۋرەشكە چىداملىق ئۆيلەرگە مەجبۇرى كۆچۈرۈلگەن.

مەزكۇر كەنتتىكى ئاھالىلەردىن بىرىنىڭ رادىئومىزغا ئاشكارىلىشىچە، خەتەرلىك ئۆيلەرگە كۆچكەن ئائىلىلەر نۆۋەتتە ئەندىشە ئىچىدە كۈن ئۆتكۈزمەكتە.

تەپسىلاتىنى ئاۋاز ئۇلىنىشىدىن ئاڭلىغايسىز.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت