Myunxéndiki Uyghurlarning naraziliq harwisi gérmanche axbarat wasitilirining diqqitini qozghimaqta

Ixtiyariy muxbirimiz erkin tarim
2014-12-25
Élxet
Pikir
Share
Print
Gérmaniyening eng chong gézitliridin "Süddeutsche Zeitung" de élan qilin'ghan kozupluq harwa arqiliq xitaygha naraziliq bildürüsh pa'aliyiti toghrisida maqale. 2014-Yili 31-yanwar.
Gérmaniyening eng chong gézitliridin "Süddeutsche Zeitung" de élan qilin'ghan kozupluq harwa arqiliq xitaygha naraziliq bildürüsh pa'aliyiti toghrisida maqale. 2014-Yili 31-yanwar.
Süddeutsche.de diki munasiwetlik maqalidin élin’ghan

Yawropa sherqiy türkistan birliki bundin bir yérim yil burun xitayning myunxénda turushluq konsulxanisi aldigha bir kozupluq harwa toxtitip qoyghan.

Üsti kök bayraq bilen bézelgen, töt teripige "Sherqiy türkistan'gha erkinlik, xitay sherqiy türkistandin chiqip ketsun, shinjang emes sherqiy türkistan" dégendek sho'arlar chaplan'ghan harwining orni gérmaniye qatnash qa'idisige asasen ikki heptide bir yötkep qoyulidiken. Kozupluq harwa arqiliq xitaygha naraziliq bildürüsh pa'aliyitige gérmaniyening eng chong gézitliridin "Süddeutsche Zeitung" gézitimu orun bergen bolup, bügün "Geselschaft für Bedrohte Völker" namliq gérmaniyening eng chong kishilik hoquqni qoghdash teshkilatining zhurnilidimu uzun bir parche maqale sheklide élan qilin'ghan.

Biz xitay konsulxanisi aldigha kozupluq harwa qoyush arqiliq naraziliq pa'aliyiti toghrisida melumat élish üchün bu pa'aliyetni teshkilligen yawropa sherqiy türkistan birliki re'isi enwer jan ependi bilen söhbet élip barduq.

U, bu harwining üstidiki kök bayraq we sho'arlarning her küni konsulxanigha xizmetke kélip-kétiwatqan xitay diplomatlargha sherqiy türkistanni mesilisini xatirlitipla qalmastin belki, bayramlarda konsulxanigha ziyapetke kelgen kishilerge we xitaygha wiza élishqa kelgenlerge sherqiy türkistanning xitay döliti teripidin bésiwélin'ghan zémin ikenlikini eslitip turidighanliqini bayan qilip ötti.

Toluq bet