Amérika dölet mejlisi ezaliri disnéy shirkitidin "Mulen" filimining süretke élinishigha munasiwetlik so'allarni sorighan

Muxbirimiz jüme
2020-09-13
Élxet
Pikir
Share
Print
Jüme küni amérika dölet mejlisining 19 neper ezasi disnéy shirkitining bash ijra'iye mudirigha imzaliq mektup yollap, "Mulen" filimining süretke élinishigha munasiwetlik bezi so'allarni sorighan.
Jüme küni amérika dölet mejlisining 19 neper ezasi disnéy shirkitining bash ijra'iye mudirigha imzaliq mektup yollap, "Mulen" filimining süretke élinishigha munasiwetlik bezi so'allarni sorighan.
cruz.senate.gov

Jüme küni amérika dölet mejlisining her ikkila partiyesidin bolghan 19 neper dölet mejlisi ezasi disnéy shirkitining bash ijra'iye mudirigha imzaliq Mektup Yollap, "Mulen" filimining süretke élinishigha munasiwetlik bezi so'allarni sorighan.

Disnéy shirkitining bash ijra'iye mudiri bob chapékqa yollan'ghan mezkur mektupta disnéy shirkitidin "Mulen" filimini süretke élish jeryanida Uyghur aptonom rayondiki j x we teshwiqat sahesi bilen néme üchün hemkarlashqanliqidin ibaret 10 türlük so'al soralghan. 

MektupTa mundaq déyilgen: "Disnéyning u yerde sadir bolghan jinayetlerde yaki u jinayetlerni yoshurushta mes'uliyiti eng éghir bolghan xitay xelq jumhuriyitining xadimliri bilen ochuq ashkara hemkarlishishi ademning könglini tolimu parakende qilidu."

Ular mektubida disnéy shirkitining amérika soda ministirliqi 2019-yili öktebir qara tizimlikke alghan turpan sheherlik saqchi idarisige rehmet éytqanliqini tilgha alghan bolsa, teshwiqat bölümining "Xitay kommunist partiyesining bir qaniti ikenliki, uning Uyghurlargha qaritilghan mejburiy emgek, omumiyüzlük mejburiy tughmas qilish, mejburiy bala chüshürüsh we tughut cheklesh heriketlirini öz ichige alghan insaniyetke qarshi jinayetlerni ret qilish, burmilash yaki yoshurush" qilmishlirida bolghanliqini alahide eskertken.

Mektupta yene "Mulen" filimi süretke élinishtin burun Uyghurlarning keng kölemlik halda yighiwélish lagérlirigha solan'ghliqigha a'it uchurlarning ashkarilan'ghanliqni, 2018-yili iyulghiche amérika, awstraliye, en'gliye we xongkongdiki nopuzluq xewer agéntliqlirining milyondin artuq Uyghur we bashqa étnik topluqlarning lagérlirigha tashlan'ghanliqini xewer qilghanliqini, "Mulen" filimini yerlik j x tarmaqliri bilen hemkarliship Uyghur aptonom rayonida süretke élishning "Nurghun kishiler irqiy qirghinchiliq dep sürtlewatqan bu jinayetlerni sadir qilghuchilarni qanunluq qilip körsitish hilisi bilen temin étidighanliqi" ni otturigha qoyghan. 

Mektupqa, kéngesh palata ezasi marko rubiyo, robért menedez, tom kotton, awam palatasi ezaliridin jeyms mkgowérn, kirstofér simit, tom malinowski qatarliq 19 neper dölet mejlisi ezasi imza qoyghan. 

Disnéyning "Mulen" filimi süretke élin'ghan turpan wilayiti teweside 8 orunda jaza lagéri barliqi ashkarilan'ghan idi.

Toluq bet