Норвегийә пайтәхти ослода “лагер қурбанлири тәзийә намайиши” өткүзүлди

Ихтиярий мухбиримиз әкрәм
2019.05.27
lager-qurbanliri-teziye-namayish-1.jpg

Норвегийә пайтәхти ослода өткүзүлгән “лагер қурбанлири тәзийә намайиши” дин көрүнүш. 2019-Йили 26-май. RFA/Ekrem

lager-qurbanliri-teziye-namayish-2.jpg

Норвегийә пайтәхти ослода өткүзүлгән “лагер қурбанлири тәзийә намайиши” дин көрүнүш. 2019-Йили 26-май. RFA/Ekrem

lager-qurbanliri-teziye-namayish-3.jpg

Норвегийә пайтәхти ослода өткүзүлгән “лагер қурбанлири тәзийә намайиши” дин көрүнүш. 2019-Йили 26-май. RFA/Ekrem

lager-qurbanliri-teziye-namayish-4.jpg

Норвегийә пайтәхти ослода өткүзүлгән “лагер қурбанлири тәзийә намайиши” дин көрүнүш. 2019-Йили 26-май. RFA/Ekrem

Норвегийәниң пайтәхти ослода өткүзүлгән “лагер қурбанлири тәзийә намайиши” дики көк байрақ йепилған җиназа диққәт қозғиди.

26-Май норвегийәдики уйғурлар “осло әркинлик мунбири йиғини” мунасивити билән пайтәхт осло шәһиридики парламент бинаси алдида шәрқий түркистанниң ай-юлтузлуқ көкбайриқи йепилған бир җиназини көтүргән һалда “лагер қурбанлири тәзийә намайиши” өткүзгән.

Норвегийә уйғур комитетиниң рәиси бәхтияр өмәр әпәндиниң баян қилишичә, “лагер қурбанлири тәзийә намайиши” ниң мәқсити 26-май ослода башланған һәмдә 3 күн давамлишидиған “осло әркинлик мунбири йиғини” намлиқ хәлқаралиқ чоң йиғинға қатнишиш үчүн дуняниң һәр йәрлиридин кәлгән мәшһур кишилик һоқуқ паалийәтчилириниң диққитини уйғурлар мәсилисигә тартиш икән.

Норвегийәдики намайишчилар бу қетимлиқ намайишқа атап бир җиназа ясап чиққан. Җиназиға ай-юлтузлуқ көк байрақ йепилған болуп, қара кийим кийгән намайишчилар җиназини көтүрүп парламент бинаси алдини айлиниш арқилиқ хитайниң шәрқий түркистанда тәсис қилған җаза лагерлирида қурбан болған уйғурларға қарита тәзийәсини символлуқ ипадә қилған. Норвегийәдики уйғур зиялийси хәлчәм ханим буниң йәрлик хәлқниң күчлүк диққитини җәлп қилғанлиқини тилға алди.

Норвегийәдә яшаватқан дуня уйғур қурултийи иҗраийә комитетиниң муавин рәиси сәмәт абла әпәндиниң илгири сүрүшичә, хәлқараниң диққитини хитайниң җаза лагерлирида өлүп кетиватқан уйғурларға тартиш нөвәттики җиддий мәсилә болуп, әгәр дуня сүкүтлирини давам қилдурған тәқдирдә лагердики уйғурларниң техиму зор қирғинчилиққа учраш еһтималлиқи бар икән.

Норвегийә уйғур комитетиниң һәйәт әзалиридин рәна ханим бу қетимқи өзгичә намайишқа ослодики сәбий балилардин тартип қатнашқанлиқини, намайишчиларниң йәрлик хәлққә вә саяһәтчиләргә лагердики зулумларни аңлитишқа тиришқанлиқини тәкитлиди.

Мәлум болғинидәк, хитай хәлқ қурултийиниң рәиси ли җйәншуниң норвегийә зиярити мунасивити билән норвегийәдики уйғурлар 15-май күни ослода, 17-май күни ситеваңерда намайиш өткүзүп, хитайниң зулумиға қарши ирадилирини намаян қилишқан иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.