Uyghur yashlirining nöwette turush pa'aliyiti türkiyediki öktichi partiyelerning qollishigha érishti

Ixtiyariy muxbirimiz azigh
2021-02-05
Share
Uyghur yashlirining nöwette turush pa'aliyiti türkiyediki öktichi partiyelerning qollishigha érishti Lagér qurbanliri yéqinlirining istanbulda bashlinip, enqerede dawamlishiwatqan nöwette turush pa'aliyitige élip bériwatqan Uyghurlar bilen türkiye "Iyi" partiyesining istanbul millet wekili yawuz a'ér ali'oghli ependi söhbette. 2021-Yili 5-féwral, enqere.
RFA/Azigh

Lagér qurbanliri yéqinlirining istanbulda bashlinip, enqerede dawamlishiwatqan nöwette turush pa'aliyiti türkiyediki siyasiy partiyilerning qollishigha érishmekte.

Enqerediki xitay elchixanisining aldida bashlan'ghan nöwette turush pa'aliyiti 5-féwral küni 3-künige qedem qoydi. Xitay elchixanisining etrapidiki yollar bixeterlik tarmaqliri teripidin qamal qilin'ghan bolup, lagér qurbanliri yéqinliri saqchilar belgilep bergen orunda pa'aliyitini dawamlashturdi. Istanbulda xitay konsolining aldidimu nöwette turush pa'aliyiti qaytidin bashlan'ghan bolup, nöwette türkiyediki xitayning ikki diplomatiye orginining aldida lagér qurbanliri yéqinlirining pa'aliyiti dawamlashmaqta.

Lagér qurbanliri yéqinlirining istanbulda bashlinip, enqerede dawamlishiwatqan nöwette turush pa'aliyitige élip bériwatqanlar Uyghurlar. 2021-Yili 5-féwral, enqere.

Pa'aliyetke "Iyi" partiyesining istanbul millet wekili yawuz a'ér ali'oghli, xelqlerning démokratik partiyesining koja'eli millet wekili ömer faruq gergerli oghli we sa'adet partiyisining konya millet wekili abdulqadir qaraduman qedem teshrip qildi we bayanat élan qildi.

Yawuz a'ér ali'oghli ependi türkiye jumhur re'isige xitab qilip mundaq dédi:

"Türk millitining her waqit sherqi türkistandiki qérindashlirining yénida ikenlikini jakarlash bizning qérindashliq wezipimiz. Firansiyege, en'gliyege, rusiyege da'im awazini kötürüp gep qiliwatqan hörmetlik jumhur re'isige xitaygha bu nidalarni anglishi üchün étiraz bildürüsh yarishidu. Biz zulumgha uchrighanlarning, héchkimi bolmighanlarning yénida turuwatimiz dewatqan birige, zulumgha uchrawatqan Uyghurlar üchün xitaygha qarap qérindashlirimgha zulum qilma déyish yarishidu."

Sa'adet partiyesining konya millet wekili abdulqadir karaduman mundaq dédi:

"Xitay peqet sherqi türkistanliqlarning izziti we sheripi bilen emes, peqet musulmanlarning sheripi bilen emes, pütün insaniyetning sheripi we izziti bilen oynishiwatidu. Xitay bilen yaxshi munasiwet qurush üchün tirishiwatimiz depla yüz bériwatqan zulum we zalimning qanuniyliqini étirap qilishimiz mumkin emes."

Türkiye hökümet béshidiki partiyelerdin aq partiye we milletchi heriket partiyesining Uyghur mesiliside dawamliq süküt qilishi öktichi partiyelerning qattiq naraziliqini qozghimaqta. Közetküchilerning qarishiche, öktichilerning Uyghur mesilisidiki naraziliqining küchiyishi hökümet béshidiki siyasiy guruppilarni Uyghur mesiliside ipade bildürüshke mejburlimaqta iken.

Ziyaritimizni qobul qilghan nide uniwirsitétining doktiranti tursunjan ablet türkiyediki öktichi partiyelerning Uyghur mesilisidiki pozitsiyesining keskin bolushi hökümet béshidiki siyasiyonlarni Uyghurlargha yürgüzülüwatqan étnik qirghinchiliqqa ipade bildürüshke mejburlaydighanliqini tekitlep ötti.

Pa'aliyetchiler dunyaning herqaysi jayliridiki Uyghur jama'itini özliri turushluq dölettiki xitay elchixaniliri we konsulxanilirining aldida nöwette turush pa'aliyitini keng qanat yaydurushqa chaqiriq qilmaqta. Uyghur akadémeyisining ijra'iye re'isi abdulhemit qaraxan ependim Uyghur ziyaliylirini dunyaning herqaysi jayliridiki nöwette turush pa'aliyetlirige yétekchilik qilishqa chaqirdi.

-18Dékabirdin étibaren dawamlishiwatqan nöwette turush pa'aliyiti türkiyede we dunyada zor tesir qozghawatqan bolup, közetküchilerning qarishiche, biwasite xitay diplomatiye organlirigha qaritilghan pa'aliyetning kölemliship, pütün dunyagha omumlishishi küchlük jama'et pikri hasil qilishta intayin zor ehmiyetke ige iken.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet