Sabiq karxanichi nurmemet abdulla: "Lagérdiki qérindashlirim heqqide xitaydin hésab sorashni toxtatmaymen"

Muxbirimiz shöhret hoshur
2019-05-10
Élxet
Pikir
Share
Print
Nurmemet abdulla lagérdiki akisi mutellip abdulla bilen birge.
Nurmemet abdulla lagérdiki akisi mutellip abdulla bilen birge.
Photo: RFA

Ilgiri ürümchi, yiwu, shénjin, xongkong we istanbullarda shirket qurghan we tashqi soda bilen shughullinip belgilik igilik tikligen, emma xitay da'irilirining iz qoghlap putlikashang qilishi bilen bügün bir siyasiy panahlan'ghuchigha aylan'ghan sabiq karxanichi nurmemet abdulla muxbirimiz bilen ötküzgen söhbitining bügünki qismida tutqundiki qérindashliri heqqide guwahliq berdi. U bir qérindishining lagérdin chiqip jan üzgenlikini ashkarilash bilen birlikte xitay tereptin qérindashliri heqqide hésab sorashni toxtatmaydighanliqini bayan qildi.

Hörmetlik radi'o anglighuchilar, nurmemet abdulla Uyghur jem'iyitidiki köp sandiki kesip ehlilirige oxshashla özi oqughan we özi mutexessisi bolghan kespi bilenla shughullinishni arzu qilghan bolsimu, emma ré'alliq buninggha yol qoymighan. Bolupmu u 4 qérindishi we ikki jiyenining yighiwélish lagérigha ekétilgenliki, bulardin birining lagérdin chiqip 3 kündin kéyin jan üzgenlik uchurini anglighandin kéyin, hayat yolini qaytidin tengsheshke mejbur bolghan.
Nurmemet abdulla bügün'ge qeder jem'iyet we millet üchün xizmet qilishta perde arqisida turup qilishni toghra tapqan bolsa, emdilikte zörür tépilsa sepning aldigha ötüshke qarar bergen.
Xitaydiki mezgilide héchqandaq bir dölet yardimige tayanmay turup besh sheherde shirket qurghan we 7 dölet bilen soda qilghan nurmemet abdulla siyasiy sahedimu Uyghurlarning cheklik imkanliridin paydilinip turup xitaygha chong tesir körsetküdek ishlarni qilalaydighanliqini otturigha qoydi.
Chet'el tilliridin in'glizche, xitayche we erebchidin ibaret üch tilni yaxshi bilgen nurmemet abdulla yawropagha yerliship bolghandin kéyin eslidiki tashqi soda ishigha qaytidin kirishidighanliqini, emma xitay tereptin lagérdiki qérindashlirining ehwali we aqiwiti toghriliq hésab élishni bolsa héchqachan toxtatmaydighanliqini tekitlidi.

Toluq bet