Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”

Muxbirimiz nur'iman
2022.06.22
Share on WhatsApp
Share on WhatsApp
Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan” Nuri türkel ependining 2022-yili 21-iyundin bashlap resmiy halda amérika xelq'ara diniy erkinlik komitétining 2022-2023-yilliq re'islik wezipisini öteydighanliqi élan qilindi.
Photo: RFA

2022-Yili 21-iyun küni amérika xelq'ara diniy erkinlik komitéti nöwette mu'awin re'islik wezipisini ötewatqan nuri türkel ependining 21-iyundin bashlap resmiy halda amérika xelq'ara diniy erkinlik komitétining 2022-2023-yilliq re'islik wezipisini öteydighanliqini élan qildi.

Nuri türkel ependi 2020-yili mayda awam palatasining re'isi nensiy pélosi xanim teripidin amérika xelq'ara diniy erkinlik komitétining komissarliqqa teyinlen'gen tunji Uyghur amérikaliq bolup, u 2021-yili 15-iyun küni amérika xelq'ara diniy erkinlik komitéti mu'awin re'islikige teyinlen'gen we 2022-yili mayda qayta teyinlen'genidi.

U yene “Dewr” zhurnili teripidin 2020-yilliq “Dunyadiki tesiri küchlük 100 shexs” ning biri, “Bayliq” zhurnili teripidin “2021-Yilliq dunyadiki tesiri eng küchlük 50 rehber” ning biri bolup bahalan'ghan. Amérikaning indi'ana shtatigha jaylashqan notérdam uniwérsitétining qanun institutimu 2021-yili 28-iyun küni tunji qétimliq “Notérdam diniy erkinlik mukapati”ni eyni waqittiki sabiq amérika xelq'ara diniy erkinlik komitétining mu'awin re'isi nuri türkelge teqdim qilghanidi.

Amérika xelq'ara diniy erkinlik komitétining re'isi nuri türkel ependi adwokat, tashqi siyaset mutexessisi, kishilik hoquqni teshebbus qilghuchi. U Uyghur kishilik hoquq qurulushi (UHRP) mudiriyitining re'isi, xudson institutining aliy tetqiqatchisi, tashqi munasiwetler kéngishining ezasi.

Nuri türkel ependi teyinlen'gen yéngi wezipisi we bir Uyghur amérikaliq bolush süpiti bilen bu xizmet orni arqiliq Uyghur mesiliside oynimaqchi bolghan roli heqqide radiyomizning ziyaritini qobul qildi.

Töwende nuri türkel ependi bilen ötküzgen söhbitimiz diqqitinglarda bolsun!

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet