Ömer qanat: “Xitay malayshiya ziyaritimizni tosushqa tirishqan bolsimu muweppeqiyet qazinalmidi”

Ixtiyariy muxbirimiz erkin tarim
2022.04.18
Share on WhatsApp
Share on WhatsApp
Ömer qanat: “Xitay malayshiya ziyaritimizni tosushqa tirishqan bolsimu muweppeqiyet qazinalmidi” Uyghur kishilik hoquq qurulushi diréktori ömer qanat ependi malayshiya ziyariti jeryanida Uyghur mesilisini toghrisida doklat bermekte. 2022-Yili 17-aprél.
RFA/Erkin Tarim

Uyghur kishilik hoquq qurulushi diréktori ömer qanat ependi bashchiliqidiki ikki kishidin terkib tapqan ömekning malayshiyagha élip barghan 4 künlük ziyaret pa'aliyetliri 17-aprél axirlashqan. Ziyaret jeryanida xitay pütün küchi bilen tosushqa tirishqan bolsimu muweppeqiyetlik bolalmighan.

Ömer qanat ependining bildürüshiche 4 künlük ziyaret jeryanida, ular malayshiyani idare qiliwatqan partiyening mu'awin re'isi, d u q ning shérikliridin bolghan wafiq teshkilatining mes'ulliri, döletning muhim erbabliri, amérikaning malayshiyada turushluq bash elchisi mk fe'eters (Mc feeters) ependi, malayshiyadiki eng chong ammiwiy teshkilatlardin biri bolghan musulman yashlar herikiti teshkilati qatarliq ammiwi teshkilatlarning rehberliri bilen muhim uchrishishlarni élip barghan. Bu ömek yene ammiwi teshkilatlar Uyghurlar toghrisida mexsus uyushturghan yighinlargha qatniship, Uyghurlarning hazirqi éghir weziyitini anglatqan we so'allargha jawab bergen.

Uyghur kishilik hoquq qurulushi diréktori ömer qanat malayshiya ziyariti jeryanida shu yerdiki ammiwi teshkilatlar bilen. 2022-Yili 17-aprél.
Uyghur kishilik hoquq qurulushi diréktori ömer qanat malayshiya ziyariti jeryanida shu yerdiki ammiwi teshkilatlar bilen. 2022-Yili 17-aprél.
RFA/Erkin Tarim

17-Aprél küni malayshiyaning ku'alalumpur shehiride turup ziyaritimizni qobul qilghan ömer qanat ependi bu yil 1-ayning 29-30 künliri malayshiya bilen hindonéziyediki ammiwi teshkilatlar bilen istanbulda chong yighin chaqirip, bezi kélishimlerni tüzgenlikini, bu kélishimlerning rohigha asasen hemkarliqni kücheytish üchün bu ziyaretni élip bériwatqanliqini otturigha qoydi.

Melum bolghinidek amérika hökümiti, kanada, gollandiye, en'gliye qatarliq 9 döletning parlaménti “Uyghur qirghinchiliqi” ni étirap qilghan bolsimu, lékin birmu islam döliti buni téxiche qobul qilmighan. Eksiche ular xitayning Uyghurlargha élip bériwatqan siyasitini qollaydighanliqini ipadileshkenidi. Ömer qanat ependi islam dunyasigha Uyghurlarning éghir weziyitini anglitish üchün malayshiyadiki nopuzluq shexsler, ammiwi teshkilatlar we siyasiyonlar bilen yaxshi alaqe ornatqanliqini otturigha qoydi.

Ömer qanat ependi 16-aprél küni malayshiyadiki eng chong ammiwi teshkilatlardin biri bolghan musulman yashlar teshkilati teripidin ku'alalumpurdiki tamu méhmanxanisida uyushturulghan iptar ziyapitide doklat bergenlikini, bu yighinda kéler yili ramizan éyighiche dawamlishidighan “Uyghurlarni qollash we qoghdash” pa'aliyitining bashlan'ghanliqini bayan qildi.

Ömer qanat ependi bu qétimqi malayshiya ziyaritide bezi parlamént ezaliri we hakimiyet béshidiki partiyening mu'awin re'isi bilen uchrashqanliqini, malayshiya parlaméntimningmu “Uyghur qirghinchiliqi” heqqide qarar maqullishi kéreklikini dégenlikini bildürdi.

Ömer qanat ependining bildürishiche, mezkur ikki kishidin terkib tapqan ömekning14-aprél künidin 17-aprél künigiche bolghan ziyaritini tosush üchün xitay zor küch chiqarghan bolsimu muweppeqiyetlik bolalmighan.

Ömer qanat bashchiliqidiki 3 kishidin terkib tapqan bir hey'et burunmu, yeni 2019-yili1-ayning axiridimu malayshiya bilen hindonéziyeni ziyaret qilghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.