Alma-atadiki shinjang medeniyet bayrimida til krizisi yüz berdi


2004-08-20
Share

Qazaqistanning alma-ata shehiride ötküziliwatqan shinjang Uyghur aptonom rayoni medeniyet bayrimining échilish munasiwiti bilen chaqirilghan muxbirlarni kütüwélish yighinida, aptonom rayonning mu'awin re'isi küresh mexsutning aptonom rayon partkomi teshwiqat bölümi bashliqi wu dunfudin, muxbirlarning so'aligha Uyghurche jawab bérishke bolidighan -bolmaydighanliqini sorighanliqi, qazaqistandiki Uyghurlar ichide qattiq ghul-ghula qozghidi.

Aptonom rayonning mu'awin re'isi küresh mexsut bilen aptonom rayon partkomi teshwiqat bölümining bashliqi wu dunfu bashchiliqidiki Uyghur aptonom rayoni medeniyet ömiki, 17 -awghust küni alma-ata sheherlik hökümet binasining yighin zalida muxbirlarni kütüwélish yighini ötküzgen idi.

Alma-atadiki ixtiyari muxbirimizning xewer qilishiche, muxbirlarni kütüwélish yighinida, alma-ata sheherlik radi'o istansisining bir muxbiri xitayche sözligen küresh mexsuttin so'allirigha Uyghurche jawab bérishini telep qilghanda, küresh mexsut yénidiki teshwiqat bölümi bashliqi wu dunfudin, muxbirlarning so'allirigha Uyghurche jawab berse bolidighan yaki bolmaydighanliqini sorighan. Küresh mexsut, muxbirning so'aligha wu dunfunning testiqini alghandin kéyin Uyghurche jawab bergen.

Küzetküchiler, aptonom rayon hökümiti mu'awin re'isining xelq'ara sorunda teshwiqat bölümi bashliqidin Uyghurche sözlesh ruxset alghanliqi diplomatik setchilik, yene bir tereptin bu Uyghurlarning hazirqi siyasi ornini eks -ettüridighan eng janliq pakit dep baha bérishmekte. Xewerlerge qarighanda Uyghur aptonom rayonining sabiq re'isi ismayil emet bilen tömür dawametler eyni chaghdiki se'udi erebistan'gha qilghan ziyaritide Uyghurche sözligenliktin tenqidke uchrighan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet