Оттура асия дүләтлири демократик һәрикәтләрни бастуруватиду

• 
  2006-06-12

Хәлқара хелисинки кишилик һоқуқ фдратсийиси доклат елан қилип, оттура асия дөләтлирини, бихәтәрлик мәсилсини баһанә қилип демократик һәрикәтләрни бастуриватиду дәп әйиблиди.

Дүшәнбә күни 2006‏- йиллиқ доклатини елан қилған мәркизи венадики хәлқара хелисинки кишилик һоқуқ фдратсийиси болупму өткән йили өзбекистанниң әнҗан шәһиридә йүз бәргән қанлиқ вәқәдин кейин, оттура асиядики демократик күчләрни бастуруш һәрикитиниң техиму күчәйгәнликини билдүрди.

Көпчиликкә мәлум болғандәк, өткән йили май ийида өзбекистан бихәтәрлик қисимлири әнҗан шәһиридә ислам кәримоф һөкүмитигә қарши елип берилған намайишни қанлиқ бастурған иди. Өзбекистан һөкүмәт даирилири бу бастуруш җәрянида көпинчиси милитант 187 кишиниң өлгәнликини билдүрмәктә. Әмма ,хәлқара кишилик һоқуқ тәшкилатлири вә вәқә шаһитлири мәзкур бастуруш җәрянида көпинчиси аял вә кичик балилардин тәшкил тапқан 1000 әтрапида намайишчиниң өзбекистан бихәтәрлик қисимлири тәрипидин өлтүрүлгәнликини билдүрмәктә.

Хелисинки кишилик һоқуқ фдратисйиси шундақла бир баянат елан қилип, қазақиситан, қирғизистан, таҗикистан вә өзбекистан рәһбәрлиридин өлүм җазасини бикар қилишини тәләп қилди. (Қанат)