Amérika qoshunliri özbékistandin chékinidu


2005.09.28
Share on WhatsApp
Share on WhatsApp

Amérika we özbékistan munasiwetliri jiddiyleshken bir peytte, amérikining yuqiri derijilik bir emeldari, amérika qoshunlirini özbékistandiki hawa armiye bazisidin qoshun chékindürishidighanliqini bildürdi.

Amérika tashqi ishlar ministirliqining yardemchi tashqi ishlar ministiri daniyal frayidning seyshenbe küni bildürüshiche, amérika özbékistan hökümitining telipige asasen qoshun chékindürüshni qarar qilghan. Emma u qoshun chékindürüshning konkért waqtini bildürmidi. Özbékistan amérikidin eng kéchikkende bu yilning axirighiche qoshunini chékindürüshni telep qilmaqta.

Özbékistandiki xan'abad hawa armiye bazisi, amérikining afghanistandiki amérika qoshunlirigha maddiy eshyalarni teminleydighan muhim bir halqisi idi.

Daniyal frayid, amérikining özbékistandin qoshun chékindüridighanliqini bildürishining aldida, tashkentte özbékistan prézidénti islam kerimof bilen körüshüp, hawa armiye bazisi we kishilik hoquq mesililirini muzakire qilghan. Bu yil mayda, amérika özbékistanning enjan weqesini basturushini tenqid qilghandin ké'iyin, ikki dölet munasiwiti yiriklishishke bashlighan. Daniyal frayid, " ikki dölet munasiwiti kishilik hoquq weziyiti we enjan weqesi sewebidin intayin nachar halette turmaqta" dédi.

Kishilik hoquq teshkilatliri enjandiki xelq qarshiliq namayishida nechche yüz puqraning hökümet armiyisi teripidin étip öltürülgenlikini bildürgen idi. Emma özbékistan da'iriliri, u qétimqi weqeni islam radikalliri keltürüp chiqarghan dep körsitip, weqede ölgenler sanining 180 etrapida ikenlikini we ölgenlerning köp qismining islam pida'iyliri ikenlikini bildürmekte. ( Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.