B d t özbékistanda yüz bergen qoralliq basturush weqesini tekshürüshni qarar qildi


2005.06.16
Share on WhatsApp
Share on WhatsApp

Béshkektin bérilgen xewerlerge asaslan'ghanda, b d t teripidin teshkillen'gen 5 kishilik bir guruppa, charshenbe küni qirghizistan'gha yétip kelgen. Mezkur guruppa, qirghizistan'gha xoshna bolghan özbékistanda, özbék eskerlirining bu yil yüz bergen ammining naraziliq namayishini qoralliq basturush qilmishi üstidin tekshürüsh élip baridiken.

Fransiye agéntliqining bu heqte bergen xewiride éytilishiche, bu yil 5 - ayning 13 - küni, özbékistan hökümiti esker chiqirip, özbékistanning sherqidiki enjan shehiride namayish qozghighan ammigha qaritip oq chiqirip, échinishliq aqiwetlerni keltürgen idi .

Kishilik hoquq xadimlirining qarishiche, özbékistan eskerliri qoralliq basturush jeryanida, nechche yüzligen bigunah xelqni étip öltürgen. Emma, özbékistan hökümiti namayishchilargha "islam radikalchiliri hökümetke qarshi topilang herikiti qozghidi" dégen betnamni chaplap, namayishchilarni basturghan. Gerche özbékistan hökümet da'iriliri weqede 173 ademning qaza qilghanliqini bildürgen bolsimu , emma kishilik hoquq teshkilatliri bilen özbékistandiki öktichi teshkilatlarning éytishiche, qoralliq basturushta 700 din artuq adem hayatidin ayrilghan. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.