Özbékistan hökümiti enjan weqesi heqqide mexsus höjjetlik filim ishlidi

Rusiyining "xewerler" agéntliqining xewer qilishiche, özbékistan hökümiti 13-maydiki enjan weqesining tepsilati heqqide mexsus höjjetlik filim ishlep, döletlik téléwiziye qanilida körsetken.

Özbékistan jumhuriyetlik bash teptish idarisining axbarat ishlirigha mesul emeldari bu filimning banditlardin qolgha chüshürülgen sinalghu léntiliri we weqege munasiwetlik bashqa tekshürüsh matériyalliri asasida ishlen'genlikini bildürgen

Xewerde éytilishiche, hökümet teripidin teyyarlan'ghan mezkur höjjetlik filimde enjan weqesining pütünley térrorchilar teripidin keltürüp chiqirilghanliqi bayan qilin'ghan bolup, térrorchilarning türmige we hökümet binasigha hujum qilip, uni igiliwalghanliqi, qoral –yaraqlarni bulighanliqi shuningdek 70 ademni görege éliwalghanliqi körsitilip weqe jeryanida 187 ademning ölgenliki, omumiy chiqimning 300 milyon amérika dollirigha yetkenliki éytilghan.

Biraq, enjan weqesining emeliy ehwali heqqidiki uchurlar buningdin perqliq bolup, tashkentning melumatlirigha ishenmigen amérika, yawropa ittipaq we bashqa gherb döletliri weqening heqiqi ehwali heqqide musteqil xelqaraliq tekshürüsh élip bérishni izchil telep qilghan bolsimu, emma islam kérimof uni ret qilmaqta. (Ümidwar)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar