Өзбекистан оттура асиядики һәрбий хираҗити әң көп дөләт

• 
  2006-02-12

Қирғизистанниң дөләтлик "қабар" агентлиқиниң учуридин қариғанда, өзбекистанниң дөләт мудапиәсигә ишлитидиған һәрбий хираҗити оттура асиядики башқа мәмликәтләрдин зор дәриҗидә көп икән.

Қабарниң мәлуматидин қариғанда, 2005-йили қазақистанниң һәрбий чиқими 448 милйон америка доллири болған болса, өзбекистанниң 764 милйон долларға йәткән. 2006-Йили униң һәрбий хираҗитиниң 802 милйон долларғичә болуши пәрәз қилинмақта икән.

Оттура асиядики бәш дөләтниң 2005-йиллиқ һәрбий хираҗитиниң омумий соммиси 1милярд 336 миң доллар болған, бу йил 1милярд 570 миңдин ешиши мумкин икән.

Өзбекистан һазир дөләт хамчотиниң 5.2%Ни, қазақистан 1.01 %Ни һәрбий хираҗәткә ишлитиду. Шундақ болғанда, өзбекистан оттура асиядики бәш дөләт ичидә һәрбий хираҗәткә әң көп пул чиқиридиған мәмликәт болуп һесаблинидикән.

Мутәхәссисләрниң билдүрүшичә, 1999-йилидики ички уруштин кейин ислам кәримоп өз һакимийитини мустәһкәмләш үчүн армийини күчәйтишкә әһмийәт бәргән болуп, өзбекистанниң һава , қуруқлуқ қисимлири башқа оттура асия мәмликәтлиригә нисбәтән күчлүк һесаблиниду. Өзбекистан қораллиқ күчлириниң 1999-2000-йиллиридики вәқәләрдә вә өткән йилдики әнҗан вәқәсидә ислам кәримопниң буйруқини яхши орунлиғанлиқи билдүрүлмәктә. (Үмидвар)